قازاقستان حالقىنىڭ سانى تۋرالى مالىمەت جاڭاردى

ۇلتتىق ستاتيستيكا بيۋروسى 1 ماۋسىمداعى قازاقستان حالقىنىڭ سانى تۋرالى مالىمەتتەردى جاريالادى. جاڭارتىلعان مالىمەتتەرگە سايكەس, جازدىڭ باسىندا ەلىمىزدە 20 139 914 ادام بولعان,-دەپ حابارلايدى Qandastar.kz

جىل باسىندا قازاقستاندا 20 033 842 ادام بولعان. وسىلايشا, بەس ايدا قازاقستاندىقتاردىڭ سانى 100 مىڭنان اسا ادامعا ءوستى.

ەلىمىزدىڭ ەڭ تىعىز قونىستانعان وڭىرلەرى بەستىگىنە الماتى (2 253 502 ادام), تۇركىستان وبلىسى (2 149 210 ادام), الماتى وبلىسى (1 543 588 ادام), استانا (1 464 415 ادام) جانە شىمكەنت (1 236 901 ادام) كىرەدى.

ميلليوننان اسا حالقى بار وڭىرلەر قاتارىنا جامبىل (1 223 457 ادام) جانە قاراعاندى وبلىستارى دا (1 134 935 ادام) كىرەدى. اقتوبە وبلىسى دا وسى شەككە جاقىندادى: 1 ماۋسىمداعى جاعداي بويىنشا مۇندا 943 615 ادام تۇردى.

قازاقستاندىقتاردىڭ باسىم بولىگى – 12 552 583 ادام-قالا تۇرعىندارى. اتالعان كەزەڭدە اۋىلدىق جەرلەردە 7 587 331 ادام تۇردى.