Qazaqstan halqynyń sany týraly málimet jańardy

Ulttyq statıstıka bıýrosy 1 maýsymdaǵy Qazaqstan halqynyń sany týraly málimetterdi jarııalady. Jańartylǵan málimetterge sáıkes, jazdyń basynda elimizde 20 139 914 adam bolǵan,-dep habarlaıdy Qandastar.kz

Jyl basynda Qazaqstanda 20 033 842 adam bolǵan. Osylaısha, bes aıda qazaqstandyqtardyń sany 100 myńnan asa adamǵa ósti.

Elimizdiń eń tyǵyz qonystanǵan óńirleri bestigine Almaty (2 253 502 adam), Túrkistan oblysy (2 149 210 adam), Almaty oblysy (1 543 588 adam), Astana (1 464 415 adam) jáne Shymkent (1 236 901 adam) kiredi.

Mıllıonnan asa halqy bar óńirler qataryna Jambyl (1 223 457 adam) jáne Qaraǵandy oblystary da (1 134 935 adam) kiredi. Aqtóbe oblysy da osy shekke jaqyndady: 1 maýsymdaǵy jaǵdaı boıynsha munda 943 615 adam turdy.

Qazaqstandyqtardyń basym bóligi – 12 552 583 adam-qala turǵyndary. Atalǵan kezeńde aýyldyq jerlerde 7 587 331 adam turdy.