الەم جاڭالىقتارى
قازاقستان – كورەيا ماتچى: ەلەنا رىباكينا ەسەپتى 2:0-گە جەتكىزدى
سۋرەت: ktf.kz
استانادا ءوتىپ جاتقان بيللي دجين كينگ كۋبوگىنىڭ پلەي-وفف ماتچىندا قازاقستان – كورەيا ماتچىندا ەلەنا رىباكينا مەن سون حەن پاك شەبەرلىك بايقاستى, دەپ حابارلايدى qandastar.kz Zakon.kz-كە سىلتەمە جاساپ.
قازاقستاندىق تەننيسشى الەمنىڭ 6-راكەتكاسى بولسا, كورەيالىق سپورتشى رەيتينگىدە 355-ورىندا تۇر. ەلەنا رىباكينا 25-تە, قارسىلاسى ودان ءۇش جاسقا كىشى ەدى.
ءبىرىنشى پارتيانى رىباكينا 6:2 ەسەبىمەن اياقتادى.
ەكىنشى سەتتە ەسەپ 3:2 بولعان مەزەتتە قازاقستاندىق سپورتشى برەيك جاساي ءبىلدى – 4:2. سودان كەيىن ماتچتى تاعى ءبىر برەيكپەن تۇيىندەدى – 6:2.
وسىلايشا, قازاقستان قۇراماسى 2:0 ەسەبىمەن العا شىقتى.
