قازاقستان قۇراماسى ازيا ويىندارىن 4-ءشى ورىنمەن اياقتادى

فوتو: اشىق دەرەككوز

قازاقستان قۇراماسى ازيا ويىندارىن 4-ءشى ورىنمەن اياقتادى, دەپ جازدى qandastar.kz

ءبىزدىڭ سپورتشىلار بارلىعى 20 مەدال جەڭىپ الدى. ونىڭ 4-ەۋى التىن, 9-ى كۇمىس جانە 7-ەۋى قولا جۇلدە.

بارلىعى 85 مەدالمەن, ونىڭ ىشىندە 32 التىن, 27 كۇمىس, 26 قولا مەدال يەلەنگەن جارىس قوجايىندارى قىتاي قۇراماسى ويىنداردى ءبىرىنشى ورىنمەن اياقتادى.

ەكىنشى ورىندى 45 مەدالمەن (16 التىن, 15 كۇمىس, 14 قولا مەدال) وڭتۇستىك كورەيا يەلەنسە, 37 مەدالمەن (10 التىن, 12 كۇمىس, 15 قولا) جاپونيا قۇراماسى ۇزدىك ۇشتىكتى تۇيىندەدى.

وزبەكستان مەن فيليپپين 1 التىننان الىپ, بەسىنشى ورىندى ءبولىستى. سولتۇستىك كورەيا 1 كۇمىسپەن جەتىنشى ورىندا. ال سەگىزىنشى ورىندى تايۆان (قىتايلىق تايبەي) مەن تايلاند (1 قولا مەدال) يەلەندى.

جارىستار قىتايدىڭ حاربين قالاسى مەن يابۋلي تاۋ-شاڭعى كۋرورتىندا 7-14 اقپان ارالىعىندا ءوتتى. جارىسقا قازاقستان قۇراماسىنان سپورتتىڭ 10 تۇرىنەن 137 سپورتشى سىنعا ءتۇستى.