جاڭالىقتار
قازاقستان قۇراماسى بوكستان الەم چەمپيوناتىندا العاشقى جەڭىسىنە جەتتى
فوتو: boxingkazakhstan
بوكستان 2025 جىلعى الەم چەمپيوناتىنىڭ العاشقى اينالىمىندا ساعىندىق توعامباي جەڭىسكە جەتتى, دەپ جازدى qandastar.kz
بۇل تۋرالى Stan.kz اقپارات اگەنتتىگى حابارلايدى.
ليۆەرپۋلدە بوكستان ەرلەر مەن ايەلدەر اراسىنداعى تۇڭعىش الەم چەمپيوناتىنىڭ العاشقى جارىس كۇنى اياقتالدى.
قازاقستان قۇراماسىنىڭ اتىنان 90 كەلى سالماق دارەجەسىندە ونەر كورسەتكەن ساعىندىق توعامباي جەرگىلىكتى بوكسشى يسااك وكودان ايلاسىن اسىرىپ, 3:2 ەسەبىمەن جەڭىستى جولىن باستادى. العاشقى راۋندتا تورەشىلەر اعىلشىن سپورتشىسىنا باسىمدىق بەرگەنىمەن, قازاقستاندىق بوكسشى قارقىنىن ۇدەتىپ, شەشۋشى راۋندتاردا قارسىلاسىنان باسىم ءتۇستى.
ەندى توعامباي 8 قىركۇيەك كۇنى يرلانديالىق دجەك مارلەيمەن كۇش سىناسادى.
سونداي-اق 54 كەلى سالماق دارەجەسىندە قازاقستان نامىسىن قورعاعان ەلينا بازاروۆا العاشقى جەكپە-جەگىندە وزبەكستاندىق نيگينا ۋكتاموۆاعا 0:5 ەسەبىمەن جول بەردى.
