Qazaqstan quramasy bokstan álem chempıonatynda alǵashqy jeńisine jetti

Foto: boxingkazakhstan

Bokstan 2025 jylǵy álem chempıonatynyń alǵashqy aınalymynda Saǵyndyq Toǵambaı jeńiske jetti, dep jazdy qandastar.kz

Bul týraly Stan.kz aqparat agenttigi habarlaıdy.

Lıverpýlde bokstan erler men áıelder arasyndaǵy tuńǵysh álem chempıonatynyń alǵashqy jarys kúni aıaqtaldy.

Qazaqstan quramasynyń atynan 90 keli salmaq dárejesinde óner kórsetken Saǵyndyq Toǵambaı jergilikti boksshy Isaak Okodan aılasyn asyryp, 3:2 esebimen jeńisti jolyn bastady. Alǵashqy raýndta tóreshiler aǵylshyn sportshysyna basymdyq bergenimen, qazaqstandyq boksshy qarqynyn údetip, sheshýshi raýndtarda qarsylasynan basym tústi.

Endi Toǵambaı 8 qyrkúıek kúni ırlandııalyq Djek Marleımen kúsh synasady.

Sondaı-aq 54 keli salmaq dárejesinde Qazaqstan namysyn qorǵaǵan Elına Bazarova alǵashqy jekpe-jeginde ózbekstandyq Nıgına Ýktamovaǵa 0:5 esebimen jol berdi.