جاڭالىقتار
قازاقستان قۇراماسىنىڭ تۋ ۇستاۋشىلارىنىڭ سۋرەتى جەلىدە قىزۋ تالقىلانىپ جاتىر
فوتو: ۇوك
2024 جىلعى جازعى وليمپيادانىڭ اشىلۋ سالتاناتىندا بوكسشى اسلانبەك شىمبەرگەنوۆ پەن جەڭىل اتلەت ولگا سافرونوۆا قازاقستان قۇراماسىنىڭ تۋىن الىپ جۇرەتىن بولادى, دەپ حابارلايدى Zakon.kz.
ولاردىڭ ۇستىنە كيگەن كيىمدەرىن الەۋمەتتىك جەلىدەگىلەر قىزۋ تالقىلاپ جاتىر.
قازاقستان ازاماتتارىنىڭ كوپشىلىگى سپورتشىلاردىڭ كيىمىنە وڭ باعا بەردى.
- سۇپ-سۇلۋ قىز بەن جىگىت, وزدەرى ۇيلەسىپ تۇر!
- بۇل ەكەۋى ءۇشىن ەكسكليۋزيۆتى, ارنايى تىگىلگەن كيىم بە, ەستەلىك ءۇشىن وزدەرىندە قالادى ما ەكەن? ولگا سافرونوۆانىڭ كيىمىندەگى زەرگەرلىك بۇيىمدار نەدەن جاسالعان ەكەن? ديزاينى كەرەمەت!
ايتا كەتەيىك, اشىلۋ سالتاناتىنىڭ باستالۋى استانا ۋاقىتى بويىنشا ساعات 22:30-دا باستالادى.
بۇعان دەيىن 52 جاستاعى امەريكالىق رەپەر سنۋپ دوگگ جازعى وليمپيادا ويىندارى قارساڭىندا پاريج ماڭىنداعى سەن-دەني قالاشىعىنداعى ستاد دە فرانس ستاديونىنى جانىنان وليمپيادا الاۋىن الىپ وتكەنى حابارلانعان بولاتىن. سونىمەن قاتار, 2024 جىلعى وليمپيادا ويىندارىنا الەمنىڭ تۇكپىر-تۇكپىرىنەن كەلگەن سپورتشىلاردى قۇشاق قارسى العان پاريج كوشەلەرىندە قازاق بوكسشىسى ساكەن بيبوسىنوۆتىڭ سۋرەتى بەينەلەنگەن باننەرلەرپايدا بولعانى بەلگىلى بولدى.
