Qazaqstan quramasynyń tý ustaýshylarynyń sýreti jelide qyzý talqylanyp jatyr

Foto: UOK

2024 jylǵy jazǵy Olımpıadanyń ashylý saltanatynda boksshy Aslanbek Shymbergenov pen jeńil atlet Olga Safronova Qazaqstan quramasynyń týyn alyp júretin bolady, dep habarlaıdy Zakon.kz.

Olardyń ústine kıgen kıimderin áleýmettik jelidegiler qyzý talqylap jatyr.

Qazaqstan azamattarynyń kópshiligi sportshylardyń kıimine oń baǵa berdi.

• Sup-sulý qyz ben jigit, ózderi úılesip tur!
• Bul ekeýi úshin eksklıýzıvti, arnaıy tigilgen kıim be, estelik úshin ózderinde qalady ma eken? Olga Safronovanyń kıimindegi zergerlik buıymdar neden jasalǵan eken? Dızaıny keremet!

Aıta keteıik, ashylý saltanatynyń bastalýy Astana ýaqyty boıynsha saǵat 22:30-da bastalady.

Buǵan deıin 52 jastaǵy amerıkalyq reper Snýp Dogg jazǵy Olımpıada oıyndary qarsańynda Parıj mańyndaǵy Sen-Denı qalashyǵyndaǵy Stad de Frans stadıonyny janynan Olımpıada alaýyn alyp ótkeni habarlanǵan bolatyn. Sonymen qatar, 2024 jylǵy Olımpıada oıyndaryna álemniń túkpir-túkpirinen kelgen sportshylardy qushaq qarsy alǵan Parıj kóshelerinde qazaq boksshysy Sáken Bıbosynovtyń sýreti beınelengen bannerlerpaıda bolǵany belgili boldy.