ءبىلىم
قازاقستان مەكتەپتەرىندە ستوماتولوگيالىق كابينەت اشىلۋى مۇمكىن
فوتو: istockphoto.com
دەنساۋلىق ساقتاۋ ءمينيسترى اقمارال ءالنازاروۆا مەن وقۋ-اعارتۋ ءمينيسترى عاني بەيسەمباەۆ استاناداعى №95 مەكتەپتە بولىپ, وقۋشىلارعا قاتىستى بىرقاتار ماسەلەنى تالقىلادى, – دەپ حابارلايدى qandastar.kz turkystan.kz-كە سىلتەمە جاساپ.
«وقۋشى سانى 1000 بالادان اساتىن مەكتەپتەردە ستوماتولوگيالىق كابينەت اشۋ ماسەلەسى تالقىلاندى. بۇگىندە 6 وڭىردە 98 كابينەت جۇمىس ىستەپ تۇر. وندا دانتيستەر قابىلداۋ جۇرگىزەدى. ءارى قاراي «ساۋ تىسپەن بولاشاققا» جوباسىنىڭ اياسىندا كەزەڭ-كەزەڭمەن مەكتەپ جاسىنداعى بارلىق بالانى قامتۋ جوسپارلانىپ وتىر», – دەلىنگەن ءباسپاسوز حابارلاماسىندا.
بالالارعا, اسىرەسە وتپەلى كەزەڭدە پسيحولوگيالىق كومەك كورسەتۋ ماسەلەسى تالقىلاندى. مەكتەپ پسيحولوگتارىنا ارناپ وقىتۋ كۋرستارىن وتكىزۋ تۋرالى شەشىم قابىلداندى.
