جاڭالىقتار
قازاقستان مەن كاتار اراسىندا ينۆەستپۋل قالىپتاستى
قازاقستان مەن قاتار اراسىنداعى ىنتىماقتاستىق شەڭبەرىندە 15 جوبانى قامتيتىن ينۆەستيتسيالىق پۋل قالىپتاستى. ونىڭ جالپى قۇنى 18 ميلليارد دوللاردان اسادى. بۇل تۋرالى پرەمەر-ءمينيستردىڭ ءبىرىنشى ورىنباسارىنىڭ توراعالىعىمەن وتكەن كەڭەس وتىرىسىندا ايتىلدى. جيىندا رومان سكليار ەلدەگى ينۆەستيتسيالىق جوبالاردىڭ بىرقاتار ماسەلەسىن قارادى. قابىلدانعان حاتتامالىق شەشىمدەر ءتيىستى مەملەكەتتىك ورگاندارعا جىبەرىلدى. سونداي-اق جيىنعا قاتىسقان «قازاق ينۆەست» ۇلتتىق كومپانياسىنىڭ باسشىلىعىنا ينۆەستوردىڭ ءىس-قيمىل بارىسى جازىلعان جاڭا ادىستەمە تانىستىرىلدى. ەندى ءاربىر مەملەكەتتىك جانە جەرگىلىكتى اتقارۋشى ورگان ينۆەستورلارمەن جۇمىس ىستەۋ كەزىندە وسى ادىستەمەدەگى نۇسقاۋلىقتى قولدانۋى ءتيىس.
