قازاقستان مەن كاتار سىبايلاس جەمقورلىقپەن بىرلەسىپ كۇرەسەدى

قازاقستان مەن كاتار سىبايلاس جەمقورلىقپەن بىرگە كۇرەسەدى. وسىعان وراي تاراپتار الماتىدا كەزدەسىپ, «جول كارتاسىن» جۇزەگە اسىرۋعا ۋاعدالاستى.

ەسكە سالا كەتەيىك, پرەزيدەنتتىڭ كاتارعا جاساعان جۇمىس ساپارى بارىسىندا ەكى مەملەكەت اراسىندا ىنتىماقتاستىقتى ارتتىرۋعا ارنالعان بىرقاتار ءىس-شارالار رەتى بەلگىلەندى. ونىڭ ىشىندە سىبايلاس جەمقورلىقپەن بىرىگىپ كۇرەسۋ جولدارى دا قاراستىرىلعان. وسى ماقساتتا ەكى جاق «پاراساتتىلىق پەن ايقىندىلىقتى ىلگەرىلەتۋ بويىنشا ءوزارا تۇسىنىستىك تۋرالى مەموراندۋمعا» قول قويدى.

اسحات جۇماعالي, قر سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى: – «جول كارتاسىنا» رەسمي تۇردە قول قويدىق. مەملەكەت باسشىسىنىڭ كاتارعا ساپارىنان كەيىن بىردەن ىسكە كىرىستىك. ناقتى جوسپارىمىز بار. ماسەلەن, سىبايلاس جەمقورلىققا قارسى مادەنيەت پەن ءبىلىمدى ارتتىرۋعا كۇش سالامىز. بۇل ەكى جاققا دا ءتيىمدى بولماق. كاتاردان كەلگەن دەلەگاتسيا ءبىزدىڭ اقپاراتتىق تەحنولوگياعا, تسيفرلىق دامۋعا قىزىعۋشىلىق تانىتتى.

بۇدان بىلاي اقپارات الماسىپ, ساراپشىلارمەن كەزدەسۋ وتكىزىپ, وعان قوسا بىرىگىپ وقۋ ترەنينگتەرىن وتكىزەمىز. وسىنىڭ بارلىعى مەملەكەت باسشىسىنىڭ كاتارعا جۇمىس ساپارى بارىسىندا جاسالعان كەلىسىمدەر بويىنشا اتقارىلدى. حاماد بين ناسەر راشيد ال-ميسنەد, كاتار اكىمشىلىك باقىلاۋ جانە اشىقتىق باسقارماسىنىڭ پرەزيدەنتى: – كاتار مەن قازاقستان اراسىنداعى قارىم-قاتىناس نىعايىپ جاتىر. بۇل قۋانتارلىق جاعداي. ەندى جەمقورلىقپەن بىرلەسىپ كۇرەسەمىز. پىكىر الماسامىز. بۇگىن سول كەلىسىم شەڭبەرىندە الماتىعا كەلدىك. وسى باعىتتا قالاي جۇمىس ىستەيتىنىمىزدى ايقىنداپ الدىق. ناتيجەسى ويداعىداي بولادى دەپ سەنەمىن.