Qazaqstan men Katar sybaılas jemqorlyqpen birlesip kúresedi

Qazaqstan men Katar sybaılas jemqorlyqpen birge kúresedi. Osyǵan oraı taraptar Almatyda kezdesip, «Jol kartasyn» júzege asyrýǵa ýaǵdalasty.

Eske sala keteıik, prezıdenttiń Katarǵa jasaǵan jumys sapary barysynda eki memleket arasynda yntymaqtastyqty arttyrýǵa arnalǵan birqatar is-sharalar reti belgilendi. Onyń ishinde sybaılas jemqorlyqpen birigip kúresý joldary da qarastyrylǵan. Osy maqsatta eki jaq «Parasattylyq pen aıqyndylyqty ilgeriletý boıynsha ózara túsinistik týraly memorandýmǵa» qol qoıdy.

Ashat Jumaǵalı, QR Sybaılas jemqorlyqqa qarsy is-qımyl agenttiginiń tóraǵasy: – «Jol kartasyna» resmı túrde qol qoıdyq. Memleket basshysynyń Katarǵa saparynan keıin birden iske kiristik. Naqty josparymyz bar. Máselen, sybaılas jemqorlyqqa qarsy mádenıet pen bilimdi arttyrýǵa kúsh salamyz. Bul eki jaqqa da tıimdi bolmaq. Katardan kelgen delegaııa bizdiń aqparattyq tehnologııaǵa, ıfrlyq damýǵa qyzyǵýshylyq tanytty.

Budan bylaı aqparat almasyp, sarapshylarmen kezdesý ótkizip, oǵan qosa birigip oqý trenıngterin ótkizemiz. Osynyń barlyǵy memleket basshysynyń Katarǵa jumys sapary barysynda jasalǵan kelisimder boıynsha atqaryldy. Hamad bın Naser Rashıd Al-Mısned, Katar ákimshilik baqylaý jáne ashyqtyq basqarmasynyń prezıdenti: – Katar men Qazaqstan arasyndaǵy qarym-qatynas nyǵaıyp jatyr. Bul qýantarlyq jaǵdaı. Endi jemqorlyqpen birlesip kúresemiz. Pikir almasamyz. Búgin sol kelisim sheńberinde Almatyǵa keldik. Osy baǵytta qalaı jumys isteıtinimizdi aıqyndap aldyq. Nátıjesi oıdaǵydaı bolady dep senemin.