جاڭالىقتار
قازاقستان مەن قىتاي شەكاراداعى ترانزيت جاعدايلارىن جاقسارتۋعا ۋاعدالاستى
قازاقستان رەسپۋبليكاسى كولىك ءمينيسترى مارات قاراباەۆ پەن قىتاي حالىق رەسپۋبليكاسىنىڭ كولىك ءمينيسترىنىڭ ورىنباسارى ليۋ ۆەي «نۇر جولى» قازاقستان–قىتاي اۆتوموبيل وتكىزۋ پۋنكتىن ارالاپ كوردى, دەپ جازدى qandastar.kz
كەزدەسۋ بارىسىندا تاراپتار وتكىزۋ بەكەتىنىڭ جۇمىسىن ۇيىمداستىرۋ بارىسىمەن تانىسىپ, اۋىر جۇك كولىكتەرىنىڭ جۇرگىزۋشىلەرىمەن تىلدەستى. سونىمەن قاتار شەكاراداعى اكىمشىلىك كەدەرگىلەر مەن كىدىرىستەردى قوسا العاندا, وزەكتى ماسەلەلەر تالقىلاندى.
كەلىسسوزدەر قورىتىندىسى بويىنشا تاراپتار شەكاراداعى «تار جەرلەردى» بىرلەسىپ جويۋ جانە ترانزيتتىك تاسىمال ءۇشىن ءتيىمدى جاعداي جاساۋ تۋرالى شەشىم قابىلدادى.
بۇدان بولەك, ەكى ەلدىڭ بەيىندى ماماندارىنان قۇرالعان تۇراقتى جۇمىس توبىن قۇرۋ جونىندە ۋاعدالاستىققا قول جەتكىزىلدى. مينيسترلىك دەڭگەيىندەگى كەلىسسوزدەردىڭ كەلەسى كەزەڭى ءبىر اي ىشىندە وتەدى دەپ جوسپارلانۋدا.
ايتا كەتەيىك, 2024 جىلدان باستاپ قازاقستان مەن قىتاي رۇقسات بلانكىلەرىمەن الماسۋدىڭ ەلەكتروندىق فورماتىنا كوشكەن بولاتىن. 2025 جىلى تاراپتار حالىقارالىق تاسىمالعا ارنالعان 90 مىڭ ەلەكتروندىق رۇقسات بلانكىسىن الماستىردى.
