الەم جاڭالىقتارى
قازاقستان مەن رەسەي 19 قۇجاتقا قول قويدى.
قازاقستان مەن رەسەي 19 قۇجاتقا قول قويدى. سونىڭ تورتەۋى شەكاراعا قاتىستى, دەپ جازادى qandastar.kz
وندا ءوزارا ىنتىماقتاستىقتان بولەك, وتكىزۋ پۋنكتەرىن رەتكە كەلتىرۋ, جوندەۋ, كۇتىپ ۇستاۋ سياقتى ماسەلەلەر قارالعان. بۇعان قوسا, دەنساۋلىق, 7-ايماقتىڭ نومىرلەرىن پايدالانۋ, تۋريزم, جوعارعى ءبىلىم, ديپلومداردى تانۋ تۋرالى قۇجات بەكىدى. كەلىسىم بويىنشا, رەسەيدىڭ تەحنيكالىق ءبىلىم بەرۋ مەكەمەلەرىنىڭ 7 فيليالى اشىلادى. بۇدان بولەك, مۇنايعا قاتىستى كەلىسىم ۋاقىتى ۇزارتىلدى. ەكى ەلدىڭ قۇرىلىس, ادىلەت جانە ىشكى ىستەر مينيسترلىكتەرى اراسىندا ىنتىماقتاستىق تۋرالى كەلىسىم ورنادى.
“كەلىسسوزدەر بارىسىندا ەكونوميكا ماسەلەسىنە باسا ءمان بەرىلدى. وسى ماقساتتا بىرقاتار ۇكىمەتارالىق قۇجات قابىلداندى. ولاردىڭ قاتارىندا 2021-2025 جىلدارعا ارنالعان كەشەندى ەكونوميكالىق ىنتىماقتاستىق باعدارلاماسى, 2024-2026 جىلدارعا ارنالعان بىرلەسكەن ءىس-قيمىل جوسپارى بار, – دەدى پرەزيدەنت.
atamekenbusiness_qazحابارلاعانداي, قاسىم-جومارت توقاەۆ ەكى ەل اراسىندا وڭ ديناميكا ساقتالسا, ءبىر-ەكى جىلدا ساۋدا-ساتتىق 30 ملرد دوللارعا جەتەتىنىنە سەنىم ءبىلدىردى.
