Qazaqstan men Reseı prezıdentteri birlesken málimdeme jasady

Kúni keshe Qazaqstan Respýblıkasynyń Prezıdenti Q.Toqaevtyń shaqyrýymen Reseı Federaııasynyń Prezıdenti V.Pýtınniń Qazaqstan Respýblıkasyna memlekettik sapary ótti.

Memleketterdiń basshylary dástúrli túrde Qazaqstan-Reseı qarym-qatynastaryna tán ózara tolyq túsinistik, ashyqtyq pen senim jaǵdaıynda, ekijaqty yntymaqtastyqtyń barlyq kesheni boıynsha jemisti kelissózder júrgizdi, ózekti halyqaralyq jáne óńirlik taqyryptar boıynsha pikir almasty, ekijaqty ózara is-qımyldy odan ári tereńdetýdiń perspektıvalaryn qarastyrdy.

Alash.KZ jazǵandaı,  memleketterdiń basshylary 1992 jylǵy 25 mamyrdaǵy Qazaqstan Respýblıkasy men Reseı Federaııasy arasyndaǵy dostyq, yntymaqtastyq jáne ózara kómek týraly sharttyń, 1998 jylǵy 6 shildedegi Qazaqstan Respýblıkasy men Reseı Federaııasy arasyndaǵy XXI ǵasyrǵa baǵdarlanǵan máńgilik dostyq pen odaqtastyq týraly deklaraııanyń, sondaı-aq 2013 jylǵy 11 qarashadaǵy Qazaqstan Respýblıkasy men Reseı Federaııasy arasyndaǵy HHI ǵasyrdaǵy tatý kórshilik pen odaqtastyq týraly sharttyń erejelerine degen aınymas adaldyǵyn rastady.

Memleketterdiń basshylary saıası, saýda-ekonomıkalyq jáne áleýmettik-gýmanıtarlyq baǵyttarda dáıekti túrde nyǵaıyp kele jatqan Qazaqstan Respýblıkasy men Reseı Federaııasynyń odaqtastyq qarym-qatynastarynyń ornyqtylyǵyn atap kórsetip, eki eldiń egemendigin, táýelsizdigi men aýmaqtyq tutastyǵyn ózara qurmetteý negizinde memleketaralyq dıalogty damytýǵa ýaǵdalasty.

Memleket basshylary Qazaqstan men Reseıdiń ishki saıası turaqtylyǵyna nuqsan keltirý, egemendigi men aýmaqtyq tutastyǵyn buzý áreketterine qarsy bola otyryp, Qazaqstan men Reseı bir-birine qoldaý kórsetýin jalǵastyratynyn atap ótti, – delingen Aqorda habarlamasynda.

Reseı Federaııasy prezıdentiniń Qazaqstanǵa memlekettik saparynyń qorytyndylaryn joǵary baǵalaı otyryp, ótkizilgen kelissózderdiń nátıjeliligin jáne olardyń eki el halyqtary úshin uzaq merzimdi oń nátıjege baǵyttalǵanyn atap ótip, Ýfa qalasynda (Reseı Federaııasy) ótken Qazaqstan Respýblıkasy men Reseı Federaııasynyń óńiraralyq yntymaqtastyǵynyń HH forýmynyń jáne aldaǵy ýaqyttaǵy Aqtaý qalasynda (Qazaqstan Respýblıkasy) Reseı Federaııasynyń Bas konsýldyǵynyń ashylýynyń mańyzdylyǵyn moıyndaı otyryp, Qazaqstan Respýblıkasynyń prezıdenti Qasym-Jomart Toqaev jáne Reseı Federaııasynyń prezıdenti Vladımır Pýtın úsh úlken taraýdan (Saıası dıalog, Ekonomıkalyq yntymaqtastyq, Mádenı-gýmanıtralyq baılanystar) turatyn birlesken málimdeme jasady.

Qazaqstan Respýblıkasynyń Prezıdenti Q.K. Toqaev jáne Reseı Federaııasynyń Prezıdenti Pýtın málimdemesimen Aqorda saıtynan tolyq tanysa alasyzdar.