جاڭالىقتار
قازاقستان مەن رەسەي سالىق سالۋ ماسەلەلەرىن تالقىلاپ, ىنتىماقتاستىقتى نىعايتۋعا كەلىستى
فوتو: اشىق دەرەككوز
قارجى مينيسترلىگىنىڭ مەملەكەتتىك كىرىستەر كوميتەتى دەلەگاتسياسىنىڭ رەسەي فەدەراتسياسىنىڭ سالىق قىزمەتى وكىلدەرىمەن سالىقتىق ىنتىماقتاستىق ماسەلەلەرى بويىنشا كەزدەسۋى ءوتتى, دەپ حابارلايدى qandastar.kz
قازاقستاندىق دەلەگاتسيانى قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى توراعاسىنىڭ ورىنباسارى سەيلجان احمەتوۆ باسقاردى. رەسەي تاراپىنان كەزدەسۋگە رەسەي فەدەراتسياسىنىڭ سالىق قىزمەتى باسشىسىنىڭ ورىنباسارى سۆەتلانا بوندارچۋك قاتىستى.
اikyn.kz جازعانداي, كەزدەسۋ بارىسىندا كريپتوۆاليۋتا ماينينگى مەن ونى وتكىزۋ وپەراتسيالارىن سالىق سالۋ ماسەلەلەرى, سونداي-اق ماركەتپلەيستەر مەن ەلەكتروندىق ساۋدامەن جانە قىزمەت كورسەتۋمەن اينالىساتىن تۇلعالارعا سالىق سالۋ ماسەلەلەرى تالقىلاندى.
كەزدەسۋ قورىتىندىسى بويىنشا تاراپتار ەكى ەل اراسىنداعى سالىقتىق ىنتىماقتاستىقتىڭ دوستىق نەگىزدە دامي بەرەتىنىنە سەنىم ءبىلدىرىپ, قابىلدانعان شەشىمدەر ءوزارا ءىس-قيمىلدىڭ تيىمدىلىگىن ارتتىرۋعا ىقپال ەتەتىنىنە سەنىمدى ەكەنىن جەتكىزدى.
