قازاقستان مەن رەسەي تەلەفون كودتارىن بىرلەسىپ پايدالانباق

قازاقستان مەن رەسەي وكىلدەرى 7-ءشى الەمدىك نومىرلەۋ ايماعىن بىرلەسىپ پايدالانۋ تۋرالى كەلىسىمگە قول قويدى, دەپ حابارلايدى qandastar.kz Skifnews.kzاقپارات پورتالىنا سىلتەمە جاساپ.

قول جەتكىزىلگەن كەلىسىمگە سايكەس, دياپازونداردى ءبولۋ كەلەسىدەي:

قازاقستان +7 0, +7 6, +7 7; رەسەي – +7 2, +7 3, +7 4, +7 5, +7 9 كودتارىن قولدانادى.قازاقستان 2021 جىلى ءوزىنىڭ +997 حالىقارالىق تەلەفون كودىن ساقتاپ قالعان ەدى. بايلانىس وپەراتورلارىمەن جاڭا كودقا كوشۋ ماسەلەسىن تالقىلاۋ بارىسىندا, وعان كوشۋ مۇمكىن ەكەنى ايتىلدى. بىراق بىرقاتار قارجىلىق جانە تەحنولوگيالىق ماسەلەلەر تۋىندايتىنى انىقتالدى.

سونىمەن قاتار, وتاندىق بايلانىس وپەراتورلارىنىڭ بارلىق ابونەنتتەرى مەملەكەتتىك جانە بانكتىك قىزمەتتەردى, الەۋمەتتىك جەلىلەر مەن ءتۇرلى قوسىمشالاردى الۋ ءۇشىن ءوز دەرەكتەرىن جاڭارتۋى قاجەت بولادى. وسىعان بايلانىستى كوشۋ كەزەڭىندە اقاۋلار مەن جاعىمسىز تاجىريبەنىڭ ىقتيمالدىعى جوعارى.

وسىعان بايلانىستى, ازاماتتاردىڭ ىڭعايلىلىعى ءۇشىن قازاقستاننىڭ تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى حالىقارالىق ەلەكتر بايلانىسى وداعىمەن قايتا كەلىسسوزدەر جۇرگىزدى. ناتيجەسىندە +7 حالىقارالىق كودىن وزگەرىسسىز قالدىرۋ تۋرالى شەشىم قابىلداندى.