الەم جاڭالىقتارى
قازاقستان مەن تۇركيا اسكەري ىنتىماقتاستىقتى كۇشەيتپەك
فوتو: مينيسترلىك
قورعانىس مينيسترلىگى حالىقارالىق ىنتىماقتاستىق دەپارتامەنتىنىڭ باستىعى پولكوۆنيك ولجاس قۇسايىنوۆتىڭ باسشىلىعىمەن قازاقستان دەلەگاتسياسى تۇركيا رەسپۋبليكاسىنا باردى, – دەپ حابارلايدى qandastar.kz قورعانىس مينيسترلىگىنە سىلتەمە جاساپ.
قازاقستان مەن تۇركيا قورعانىس ۆەدومستۆولارىنىڭ وكىلدەرى كەزەكتى شتابتىق كەلىسسوزدەر جۇرگىزىپ, ونىڭ قورىتىندىسى بويىنشا 2025 جىلعا ارنالعان اسكەري ىنتىماقتاستىق جوسپارى قابىلداندى.
قازاقستان تاراپىنان قۇجاتقا قازاقستان رەسپۋبليكاسى قورعانىس مينيسترلىگى حالىقارالىق ىنتىماقتاستىق دەپارتامەنتىنىڭ باستىعى پولكوۆنيك ولجاس قۇسايىنوۆ, تۇرىك تاراپىنان بريگادالىق گەنەرال چاتال ەردوعان قول قويدى.
پولكوۆنيك و. قۇسايىنوۆتىڭ ايتۋىنشا, ەكىجاقتى كەزدەسۋ بارىسىندا اسكەري ءبىلىم جانە عىلىم, بىتىمگەرلىك قىزمەت, جاۋىنگەرلىك جانە مەديتسينالىق دايىندىق سالاسىنداعى ىنتىماقتاستىق ماسەلەلەرى تالقىلاندى. جوسپاردا جوعارى دەڭگەيدەگى ساپارلارمەن الماسۋ دا قاراستىرىلعان.
