Qazaqstan men Túrkııa áskerı yntymaqtastyqty kúsheıtpek

Foto: mınıstrlik

Qorǵanys mınıstrligi Halyqaralyq yntymaqtastyq departamentiniń bastyǵy polkovnık Oljas Qusaıynovtyń basshylyǵymen Qazaqstan delegaııasy Túrkııa Respýblıkasyna bardy, – dep habarlaıdy qandastar.kz Qorǵanys mınıstrligine silteme jasap.

Qazaqstan men Túrkııa qorǵanys vedomstvolarynyń ókilderi kezekti shtabtyq kelissózder júrgizip, onyń qorytyndysy boıynsha 2025 jylǵa arnalǵan áskerı yntymaqtastyq jospary qabyldandy.

Qazaqstan tarapynan qujatqa Qazaqstan Respýblıkasy Qorǵanys mınıstrligi Halyqaralyq yntymaqtastyq departamentiniń bastyǵy polkovnık Oljas Qusaıynov, túrik tarapynan brıgadalyq general Chatal Erdoǵan qol qoıdy.

Polkovnık O. Qusaıynovtyń aıtýynsha, ekijaqty kezdesý barysynda áskerı bilim jáne ǵylym, bitimgerlik qyzmet, jaýyngerlik jáne medıınalyq daıyndyq salasyndaǵy yntymaqtastyq máseleleri talqylandy. Josparda joǵary deńgeıdegi saparlarmen almasý da qarastyrylǵan.