قازاقستان مەتاپنەۆموۆيرۋس 30 ادامنان انىقتالدى

فوتو: دسم

قىتايدا جاڭا ادام مەتاپنەۆموۆيرۋسى تارادى. ۆيرۋستىق اۋرۋ جىلدام تاراپ, سالدارىنان اۋرۋحانالار ناۋقاستارعا لەزدە تولعان. ەلىمىزدىڭ دەنساۋلىق ساقتاۋ مينيسترلىگى دە اتالمىش ۆيرۋس قازاقستاندا دا تىركەلگەنىن جازدى, دەپ حابارلادى qandastar.kz

قىتايدىڭ اۋرۋلاردى باقىلاۋ جانە الدىن الۋ باسقارماسىنىڭ مالىمەتىنە سەنسەك,  23-29 جەلتوقسان ارالىعىندا سول ەلدەگى اۋرۋحانالاردان تۇماۋ بەلگىلەرى بار ناۋقاستاردان سىنامالار الىنعان. ناتيجەسىندە تۇماۋ ۆيرۋسى, ادام مەتاپنەۆموۆيرۋسى جانە رينوۆيرۋستىڭ بارى انىقتالعان.

سونىمەن قاتار جەدەل رەسپيراتورلىق ينفەكتسيالار دەڭگەيى ارتا تۇسكەن. اسىرەسە, 14 جاستان كىشى بالالار اراسىندا مەتاپنەۆموۆيرۋستىڭ جيىلىگى ارتقان.  اتالعان ۆيرۋس سولتۇستىك پروۆينتسيالاردا كوپ كەزدەسىپ جاتىر.

قازاقستاننىڭ دەنساۋلىق ساقتاۋ مينيسترلىگى دە بۇل ۆيرۋسقا قاتىسى رەسمي تۇسىنىكتەمە بەردى. ۆەدومستۆو  ادام مەتاپنەۆموۆيرۋسى كوپ ەلدە ونداعان جىلدار بويى تارالعان كلاسسيكالىق ۆيرۋستىڭ ءبىرى ەكەنىن حابارلايدى. قازىرگى ۋاقىتتا بۇل ۆيرۋس قازاقستاندى دا اينالىپ وتپەدى.

سانيتاريالىق-ەپيدەميولوگيالىق باقىلاۋ كوميتەتى رەسپۋبليكا بويىنشا تۇماۋعا جاتپايتىن ۆيرۋستاردىڭ 8 360 ۇلگىنى زەرتتەگەن. ناتيجەسىندە  1866-نان (22%) وڭ سىناما انىقتالعان.

«ەڭ كوپ تارالعان  رينوۆيرۋس – 680 (36,4%), ودان كەيىن رس ۆيرۋسى – 433 (23,2%), ادەنوۆيرۋس – 226 (12,1%), كوروناۆيرۋس – 206 (11,1%), پاراتۇماۋ – 178 (9,5%), بوكاۆيرۋس – 113 (6,1%) جانە ەڭ سوڭىندا  مەتاپنەۆموۆيرۋس – 30 (1,6%)»,- دەپ حابارلادى مينيسترلىك.

2024 جىلعى 1 قازاننان باستاپ رەسپۋبليكادا جرۆي-ءدىڭ 2 ملن-نان استام جانە زەرتحانالىق راستالعان تۇماۋدىڭ 940-تان استام جاعدايى تىركەلگەن.

وسىعان وراي دەنساۋلىق ساقتاۋ مينيسترلىگى حالىقتى پروفيلاكتيكا شارالارىن ساقتاۋعا جانە ادامدار كوپ شوىعرلانعان جەرلەردە بايلانىستاردى شەكتەۋگە شاقىرادى. بۇل ەسكەرتۋ اسىرەسە سوزىلمالى اۋرۋلارى بار ەڭ وسال پاتسيەنتتەرگە قاتىستى.

الدىن الۋ شارالارى:

• ادامدار كوپ جينالاتىن ورىندارعا, اسىرەسە جابىق ءۇي-جايلارعا بارۋدى شەكتەۋ;
• ءۇي-جايلاردى ۇنەمى جەلدەتۋ;
• قولدى تازارتۋ ءۇشىن انتيسەپتيكتەردى نەمەسە دەزينفەكتسيالىق مايلىقتاردى قولدانۋ;
• اۋرۋ ادامدارمەن بايلانىسىن شەكتەۋ, ولاردىڭ وقشاۋلانۋىن قامتاماسىز ەتۋ;
• تۇماۋ جانە جرۆي بەلگىلەرى پايدا بولعان كەزدە بالالاردى ۇيدە قالدىرۋ جانە ۇيىمداسقان ۇجىمدارعا (مەكتەپكە دەيىنگى ۇيىمدارعا, مەكتەپتەرگە) جىبەرمەۋ;
• اۋرۋ بەلگىلەرى پايدا بولعان كەزدە دەر كەزىندە مەديتسينالىق كومەككە جۇگىنۋ.