Qazaqstan metapnevmovırýs 30 adamnan anyqtaldy

Foto: DSM

Qytaıda jańa adam metapnevmovırýsy tarady. Vırýstyq aýrý jyldam tarap, saldarynan aýrýhanalar naýqastarǵa lezde tolǵan. Elimizdiń densaýlyq saqtaý mınıstrligi de atalmysh vırýs Qazaqstanda da tirkelgenin jazdy, dep habarlady qandastar.kz

Qytaıdyń aýrýlardy baqylaý jáne aldyn alý basqarmasynyń málimetine sensek,  23-29 jeltoqsan aralyǵynda sol eldegi aýrýhanalardan tumaý belgileri bar naýqastardan synamalar alynǵan. Nátıjesinde tumaý vırýsy, adam metapnevmovırýsy jáne rınovırýstyń bary anyqtalǵan.

Sonymen qatar jedel respıratorlyq ınfekııalar deńgeıi arta túsken. Ásirese, 14 jastan kishi balalar arasynda metapnevmovırýstyń jıiligi artqan.  Atalǵan vırýs soltústik provınııalarda kóp kezdesip jatyr.

Qazaqstannyń Densaýlyq saqtaý mınıstrligi de bul vırýsqa qatysy resmı túsinikteme berdi. Vedomstvo  adam metapnevmovırýsy kóp elde ondaǵan jyldar boıy taralǵan klassıkalyq vırýstyń biri ekenin habarlaıdy. Qazirgi ýaqytta bul vırýs Qazaqstandy da aınalyp ótpedi.

Sanıtarııalyq-epıdemıologııalyq baqylaý komıteti respýblıka boıynsha tumaýǵa jatpaıtyn vırýstardyń 8 360 úlgini zerttegen. Nátıjesinde  1866-nan (22%) oń synama anyqtalǵan.

«Eń kóp taralǵan  rınovırýs – 680 (36,4%), odan keıin RS vırýsy – 433 (23,2%), adenovırýs – 226 (12,1%), koronavırýs – 206 (11,1%), paratumaý – 178 (9,5%), bokavırýs – 113 (6,1%) jáne eń sońynda  metapnevmovırýs – 30 (1,6%)»,- dep habarlady mınıstrlik.

2024 jylǵy 1 qazannan bastap respýblıkada JRVI-diń 2 mln-nan astam jáne zerthanalyq rastalǵan tumaýdyń 940-tan astam jaǵdaıy tirkelgen.

Osyǵan oraı Densaýlyq saqtaý mınıstrligi halyqty profılaktıka sharalaryn saqtaýǵa jáne adamdar kóp shoyǵrlanǵan jerlerde baılanystardy shekteýge shaqyrady. Bul eskertý ásirese sozylmaly aýrýlary bar eń osal paıentterge qatysty.

Aldyn alý sharalary:

• adamdar kóp jınalatyn oryndarǵa, ásirese jabyq úı-jaılarǵa barýdy shekteý;
• úı-jaılardy únemi jeldetý;
• qoldy tazartý úshin antıseptıkterdi nemese dezınfekııalyq maılyqtardy qoldaný;
• aýrý adamdarmen baılanysyn shekteý, olardyń oqshaýlanýyn qamtamasyz etý;
• tumaý jáne JRVI belgileri paıda bolǵan kezde balalardy úıde qaldyrý jáne uıymdasqan ujymdarǵa (mektepke deıingi uıymdarǵa, mektepterge) jibermeý;
• aýrý belgileri paıda bolǵan kezde der kezinde medıınalyq kómekke júginý.