جاڭالىقتار
قازاقستان وليمپيادا ويىندارىن اياقتاپ, مەدال سانى بويىنشا ۇزدىك 50 ەلدىڭ قاتارىنا كىردى
فوتو: اشىق دەرەككوز
قازاقستان قۇراماسى پاريجدە ءوتىپ جاتقان XXXIII جازعى وليمپيادا ويىندارىن اياقتاپ, مەدال سانى بويىنشا ۇزدىك 50 ەلدىڭ قاتارىنا كىردى. بۇل تۋرالى KAZ.NUR.KZ حابارلايدى.
قازاقستان قۇراماسى پاريجدە ءوتىپ جاتقان XXXIII جازعى وليمپيادا ويىندارىن اياقتاپ, مەدال سانى بويىنشا ۇزدىك 50 ەلدىڭ قاتارىنا كىردى.
قازاقستان قۇراماسىنىڭ ناتيجەسىن ۇلتتىق وليمپيادا كوميتەتى Telegram جەلىسىندەگى رەسمي ارناسىندا جاريالادى. فرانتسيا استاناسىندا قازاقستاندىق سپورتشىلار جەتى مەدال جەڭىپ الدى. ەل قورجىنىنداعى جالعىز التىندى ەلدوس سمەتوۆ ەنشىلەدى. ول دزيۋدودان 60 كەلى سالماقتا سىنعا ءتۇستى. سونداي-اق قازاقستاندىقتار ءۇش كۇمىس مەدال يەلەندى. گيمناست ناريمان كۋربانوۆ, گرەك-ريم كۇرەسىنىڭ وكىلى دەمەۋ جادىراەۆ (77 كەلى) جانە بوكسشى نۇربەك ورالباي (80 كەلى) تۇعىردىڭ ەكىنشى ساتىسىنا كوتەرىلدى. پاريج وليمپياداسىنىڭ قولا مەدالىن نازىم قىزايباي (50 كەلى, بوكس) جانە الەكساندرا لە مەن يسلام ساتپاەۆ (نىسانا كوزدەۋدەن ارالاس كوماندالىق جارىم) جانە دزيۋدوشى عۇسمان قىرعىزباەۆ (66 كەلى) يەلەندى. ايتا كەتەيىك, قازىر قازاقستان قۇراماسى مەدال سانى بويىنشا 42-ورىندا تۇر.
