جاڭالىقتار
قازاقستان وپەك-كە مۇناي ءوندىرۋ كولەمىنىڭ ارتتىرۋىن ءتۇسىندىردى
فوتو: اشىق دەرەككوز
قازاقستان وپەك-كە مۇناي ءوندىرۋ كولەمىنىڭ ارتتىرۋىن ءتۇسىندىردى, دەپ جازدى qandastar.kz
ەنەرگەتيكا ءمينيسترى الماسادام ساتقاليەۆ ساۋد ارابياسى كورولدىگىنىڭ ەنەرگەتيكا ءمينيسترى جانە وپەك+ توراعاسى, مارتەبەلى حانزادا ابدۋلازيز بەن سالمانمەن جانە رەسەي فەدەراتسياسى پرەمەر-ءمينيسترىنىڭ ورىنباسارى جانە وپەك+ تەڭ توراعاسى الەكساندر نوۆاكپەن, سونداي-اق وپەك باس حاتشىسى حايتام ءال-گايسپەن تەلەفون ارقىلى كەلىسسوزدەر جۇرگىزدى.
atamekenbusiness_qaz حابارلاعانداي, ساتقاليەۆ قاڭتار ايىندا قازاقستاندا مۇناي ءوندىرۋدىڭ ۇلعايۋىنا قاتىستى تەحنيكالىق تۇسىنىكتەمە بەردى. ونىڭ سوزىنشە, بۇل بولاشاق كەڭەيتۋ جوباسى شەڭبەرىندە تەڭىز مۇناي كەن ورنىنداعى جاڭا ءۇشىنشى بۋىن زاۋىتىندا مۇناي ءوندىرۋدىڭ باستالۋىمەن بايلانىستى. ۆەدومستۆو باسشىسى وسىعان دەيىن ءوندىرىستى ۇلعايتۋ 2025 جىلدىڭ ماۋسىم-شىلدە ايلارىندا باستالادى دەپ جوسپارلانعانىن اتاپ ءوتتى. سونداي-اق الماسادام ساتقاليەۆ ءوندىرىستىڭ ۇلعايۋى كەن ورنىنا تەحنيكالىق قىزمەت كورسەتۋدەن جانە تەڭىز كەن ورنىندا جاڭا قايتا وڭدەۋ قوندىرعىسىن پايدالانۋعا بەرگەننەن كەيىن جۇرگىزىلگەن ۋاقىتشا بىرجولعى تەستىلەۋدىڭ ناتيجەسى بولعانىن ايتتى. قازاقستان وپەك+ كەلىسىمى اياسىندا ءوز مىندەتتەمەلەرىن تولىق ۇستاناتىنىن راستاپ وتىر.
