قازاقستان ورىس ءتىلى ۇيىمىن قارجىلاندىرۋعا جىلىنا 43 ملن تەڭگە بولەدى

فوتو: اشىق دەرەككوز

ءماجىلىستىڭ جالپى وتىرىسىندا دەپۋتاتتار «ورىس ءتىلى جونىندەگى حالىقارالىق ۇيىمدى قۇرۋ تۋرالى شارتتى راتيفيكاتسيالاۋ تۋرالى» زاڭدى قابىلدادى, دەپ جازدى qandastar.kz

2023 جىلعى 13 قازاندا بىشكەكتە وتكەن تمد مەملەكەتتەرى باسشىلارىنىڭ سامميتىندە ورىس ءتىلى جونىندەگى حالىقارالىق ۇيىمدى قۇرۋ تۋرالى شارتقا قول قويىلعان.

ماقساتى – ورىس ءتىلىن حالىقارالىق ۇكىمەتارالىق ۇيىمدار مەن قۇرىلىمداردىڭ رەسمي نەمەسە جۇمىس ءتىلى رەتىندە, سونداي-اق حالىقارالىق قاتىناس ءتىلى رەتىندە ىلگەرىلەتۋ.

«بۇۇ-دا 6 رەسمي ءتىل قولدانىلادى: اعىلشىن, فرانتسۋز, قىتاي, ورىس, يسپان جانە اراب. قازىر وسى تىلدەردى دامىتۋعا باعىتتالعان ارنايى حالىقارالىق ۇيىمدار بار. مىسالى, فرانتسۋز تىلىندە سويلەيتىن 50-دەن اسا ەلدى بىرىكتىرەتىن فرانكوفونيا ۇيىمى, اراب تىلىندە سويلەيتىن ەلدەردى بىرىكتىرەتىن حالىقارالىق اراب ءتىلى كەڭەسى, سونداي-اق بريتان كەڭەسى, كونفۋتسي ينستيتۋتى, سەرۆانتەس ينستيتۋتى سياقتى ءىرى حالىقارالىق ينستيتۋتتار جۇمىس ىستەپ جاتىر.

رەسپۋبليكالىق بيۋدجەتتەن ۇيىمعا جىلىنا شامامەن 43 ملن تەڭگە بولىنەدى. زاڭناماعا سايكەس, ءبىز مۇشە بولعان حالىقارالىق ۇيىمدارداعى قارجى رەسپۋبليكالىق بيۋدجەتتەن بولىنەدى. رەسمي پروتسەدۋرا بىتكەننەن كەيىن, زاڭعا پرەزيدەنت قول قويعاننان سوڭ, 6 ەلدىڭ بۇكىل ءمينيسترى جينالىپ, بۇل ۇيىم قالاي جۇمىس ىستەيتىنى تۋرالى شەشىم قابىلدايدى.  2025 جىلدىڭ باسىندا نەگىزگى شارالار باستالادى. ء(ار مەملەكەت) ۇيىمنىڭ بيۋدجەتىنە قارجى قۇيادى. قازاقستان بولەتىن قارجى – 43 ملن تەڭگە. بۇل كوپ ەمەس», – دەدى عىلىم جانە جوعارى ءبىلىم ءمينيسترى ساياسات نۇربەك ءماجىلىستىڭ جالپى وتىرىسىندا.