قازاقستان پاريج وليمپياداسىنداعى العاشقى جۇلدەسىن جەڭىپ الدى

فوتو: olympic.kz

پاريج وليمپياداسىنىڭ العاشقى جۇلدەسى قورجىنعا ءتۇستى, دەپ حابارلايدى Halyq Uni.

پنەۆماتيكالىق ۆينتوۆكامەن 10 مەتردەن نىسانا كوزدەۋدەن قازاقستان-1 كومانداسى جازعى وليمپيادانىڭ العاشقى جۇلدەسىن دەلەگاتسيا قورجىنىنا سالدى, دەپ مالىمەدى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.

العاش رەت وليمپيادا ويىندارىنا قاتىسىپ تۇرعان يسلام ساتپاەۆ پەن الەكساندر لە جۇبى گەرمانيا قۇراماسىنان (اننا يانسەن, ماكسيميليان ۋلبريح) باسىم ءتۇستى. ەسەپ – 17:5 – دەپ تولىقتىردى ۆەدومستۆو.

ايتا كەتەيىك, ءبىزدىڭ مەرگەندەر ەرتەرەكتە ىرىكتەۋدە 630.1 ۇپاي جيناعان. يسلام مەن الەكساندرا دۋەتى – بىلتىر حانچجوۋدا وتكەن جازعى ازيا ويىندارىنىڭ قولا جۇلدەگەرى.

وليمپيادادا قولا جۇلدە جەڭىپ العان قازاق سپورتشىلارى, سونداي-اق ولاردىڭ باپكەرلەرى مەملەكەتتەن 75 مىڭ اقش دوللارىنان الادى. ال التىن ءۇشىن 250 مىڭ, كۇمىسكە 250 مىڭ دوللار قاراستىرىلعان.