«Qazaqstan prezıdenttigine kandıdat bolamyn dep sheshtim»: Dına Tólepbergen mańyzdy málimdeme jasady

Foto: https://www.instagram.com/dina_tolepbergen/

Tanymal jýrnalıst, prodıýser Dına Tólepbergen ózine qatysty segiz derek bólisti.

Bul týraly Stan.kz aqparat agenttigi habarlaıdy.

BAQ ókili ózi týraly 8 derek aıtyp, oqyrmandarymen syrlasty.

“Iá, boıym – 1 metr 53 santımetr. Biraq júregim – XL. Kamera ustap, shtatıvterdiń arasynan ótken qazaq qyzdarynyń jarysy bolsa, altyn medal alar edim. Meniń negizgi mamandyǵym – rejısser. Kóptiń aldynda sóz sóıleýdi, emoııamen jumys isteýdi sol kezde úırendim. Ulym Asqarálige tromboetopenııa dıagnozy qoıylǵanda kúndiz efırde shyndyq izdep, túnde palatada ertegi oqyp otyratyn ana edim. Jýrnalıstıkada 20 jyldan astam tájirıbem bar. Tonı Bler, Angela Merkel, Kofı Annan syndy álemdik kóshbasshylardan suhbat alǵan qazaq qyzymyn. Bir kezderi “Qyz jýrnalıst bolý úshin aıaq ta, qol da myqty bolýy kerek” degenmin, biraq júrek pen júıke kerek eken. Meni jasaǵan eki adam bar. Anam qatal tárbıemen qaırady. Kúıeýim sheksiz mahabbatpen ózime sendirdi. 2029 jyly Qazaqstan prezıdenttigine kandıdat bolamyn dep sheshtim. Bul qazaq qyzdary úshin”, – dep jazdy jýrnalıst.

Eske salaıyq, Dına Tólepbergen 20 jyl buryn turǵan úıin kórsetken edi.

“20 jyldan soń oralý… Shymkent, 1 bólmeli sýyq páter… Kishkentaı kezimde dostaryma páterimdi, úıimdi kórsetýge qynjylatynmyn. Sebebi turmystyń tómendigin kórip, uıalyp, aralasatyndar alshaqtaıdy degen qorqynysh bolǵan edi. Mektep kezimde osy úıime jaqyn qurbym keldi. Ol ne aıtady, úı-jaǵdaıymdy kórip qashqaqtaı ma, degen oı bolǵany jasyryn emes”, – degen edi BAQ ókili.