Jańalyqtar
Qazaqstan radıkaldarmen kúreste Nurlan ımamdy paıdalanbaq
Foto:Caravan.kz
Qazaqstan radıkaldarmen kúreste Nurlan ımamdy paıdalanbaq, dep jazdy qandastar.kz
Tık-tok pen ınstagramdy jaýlap alǵan radıkaldy ıslam ıdeologııasyna qarsy kúreste Nurlan ımam sııaqty tanymal dástúrli ýaǵyzshylardy paıdalaný josparlanyp otyr. Dombyra men Naýryzdy haram deý, Qazaqstan týyna arab qylyshyn qoıyp nıkabpen fotoǵa túsý sııaqty áreketterdiń kóbeıýi bılikti oılandyryp tastady.
«Jaqyn arada salafızm, vahabızm ıdeologııasymen aqparattyq keńistikte kúresý boıynsha arnaıy shtab qurylýy múmkin. Oǵan myqty ıdeologtar, psıhologtar, PR mamandary, jýrnalıster men ınternette tanymal tulǵalar tartylýy tıis. О́zara bul shtabqa «antı PRONTO» degen kodtyq ataý qoıyldy», — deıdi, DALA INSIDE derekkózi.
dalainside habarlaǵandaı, qazirden bastap Nurlan ımam meshit emes, mekteptiń kóbirek qajettigin, qazaqtyń salt-dástúrleri men yrymdarynyń haram emestigin keńinen aıta bastady. Biraq jalǵyz ımamnyń kúshi jetkiliksiz. Sondyqtan shtab qajet dep tapsa, onda bul operaııaǵa «Máńgilik el» botofermasy tartylýy múmkin. Elimizdegi nómiri ekinshi botoferma halyqaralyq PRONTO-men kádimgideı kúrese alady. Bılik dinı máseleni bıyl rettep tastap, qazaqtardy bir ıdeologııa aıasynda jumyldyrýǵa nıetti. Sebebi prezıdenttik saılaý jaqyndap keledi. Osy kezde syrtqy kúshter qazaqtildi elektoratty dinı kózqarasy boıynsha bólip jiberip, óz maqsatyna paıdalanyp ketýi ǵajap emes.
«Shtab qurylatyn bolsa, elde meshit sala berýdi toqtatý máselesi kóteriletin bolady. Saýap jınaǵysy kelgen bıznesmenderge QMDB ımamdary mektep pen balabaqsha salynsa, saýaptyń kóbirek túsetinin túsindiredi dep oılastyrylǵan. Qazir onyń Quran men hadısterdegi teologııalyq dáleli pysyqtalyp jatyr», — deıdi derekkóz.
Bıyldan bastap áleýmettik jelilerde dinı talas pen tartystyń kúsheıgeni baıqalady. Bárin haram dep jatqan ıslamısterge jaýap retinde ultjandy qazaq jastary musylmandyqtan shyǵyp, ózderin agnostık nemese «Táńirge oraldyq» dep jarııalaýda. Bılik úshin osy máseleni ýshyqtyrmaı tezirek retteý qajettiligi týyndady. https://t.me/dalainside
