قازاقستان رەسپۋبليكاسىنىڭ ۆيزالارىن توپتاستىرۋ

شەتەلدىكتەردىڭ قر بولۋ ماقساتتارىنا بايلانىستى زاڭنامادا ۆيزالاردىڭ ءتۇرلى ساناتتارى بەلگىلەنگەن. ۆيزانى الۋ ءۇشىن ەلدىڭ مەكەندەۋ ماقساتتارىنا ساي كەلەتىن نەگىزدەردى كورسەتۋ قاجەت. شەتەلدىكتەر ءۇشىن ۆيزالاردىڭ قانداي ساناتتارى كوزدەلگەن? كىمگە جانە قانداي مەرزىمگە بەرىلەدى?

قازاقستاننىڭ ۆيزلارىن بەرۋ قاعيدالارىنا سايكەس ۆيزالار  مىناداي تۇرلەرگە بولىنەدى:

ديپلوماتييالىق ۆيزا (ا1, ا2) ديپلوماتيالىق مارتەبەگە تەڭەستىرىلگەن شەت مەملەكەتتەردىڭ, ۇكىمەتتەردىڭ, حالىقارالىق ۇيىمداردىڭ  باسشىلارىنا جانە ولاردىڭ وتباسى مۇشەلەرىنە; ديپلوماتيالىق مارتەبەگە تەڭەستىرىلگەن شەت مەملەكەتتەر ۇكىمەتتەرىنىڭ, پارلامەنتتەرىنىڭ مۇشەلەرىنە جانە ولاردىڭ وتباسى مۇشەلەرىنە, سونداي-اق ديپلوماتيالىق پاسپورتتارى بار – رەسمي شەتەلدىك دەلەگاتسيالاردىڭ مۇشەلەرىنە جانە ولاردى الىپ جۇرەتىن ادامدارعا; ديپلوماتيالىق پاسپورتتارى بار قازاقستان رەسپۋبليكاسىنا قىزمەت بابىمەن جىبەرىلەتىن ادامدارعا,   ديپلوماتيالىق اگەنتتەرگە تەڭەستىرىلگەن مارتەبەسى بار, حالىقارالىق ۇيىمداردىڭ  پاسپورتتارى بار ادامدارعا, كۋرەرلىك پاراعى بولعان جاعدايدا ديپلوماتيالىق پاسپورتتارى بار — ديپلوماتيالىق پوشتانى تاسىمادايتىن كۋرەرلەرگە, ديپلوماتيالىق پاسپورتتاترى بار  قازاقستان رەسپۋبليكاسىنىڭ قۇرمەتتى كونسۋلدارىنا جانە ولاردىڭ وتباسى مۇشەلەرىنە  بەرىلەدى, شەتەلدىك ديپلوماتيالىق جانە ولارعا تەڭەستىرىلگەن وكىلدىكتەردىڭ ديپلوماتيالىق اگەنتتەرى, شەتەلدىك كونسۋلدىق مەكەمەلەردىڭ كونسۋلدىق لاۋازىمدى ادامدارى, قازاقستان رەسپۋبليكاسىندا اككرەديتتەلگەن, قازاقستان رەسپۋبليكاسىنا جۇمىس ىستەۋ ءۇشىن جىبەرىلەتىن حالىقارالىق ۇيىمدار مەن ولاردىڭ وكىلدىكتەرىنىڭ قىزمەتكەرلەرى, قازاقستان رەسپۋبليكاسىندا اككرەديتتەلگەن شەت مەملەكەتتەردىڭ قۇرمەتتى كونسۋلدارى جانە ولاردىڭ وتباسى مۇشەلەرى.

ديپلوماتيالىق ۆيزالار ءبىر مارتە جانە كوپ مارتە كەلۋگە جانە شىعۋعا بەرىلەدى. ءبىر مارتەلىك ا1, ا2 ۆيزاسى 90 تاۋلىك مەرزىمىنە بەرىلەدى, بىر مارتەلىك  ا1 ۆيزاسى — 1 جىلعا دەيىن, ا2 ساناتىنداعى ۆيزا — 180 تاۋلىككە دەيىن.

قىزمەتتىك ۆيزا (ا3, ا4) رەسمي شەتەل دەلەگاتسيالارىنىڭ مۇشەلەرىنە جانە ولارمەن بىرگە جۇرەتىن ادامدار مەن وتباسى مۇشەلەرىنە; قازاقستان رەسپۋبليكاسىندا اككرەديتتەلگەن جانە قر ءسىم باسشىلىعىنىڭ نۇسقاۋى نەگىزىندە قازاقستان رەسپۋبليكاسىنا جىبەرىلگەن شەتەلدىك بۇقارالىق اقپارات قۇرالدارىنىڭ وكىلدەرىنە (قر ءسىم كەلىسىم بويىنشا), قازاقستان رەسپۋبليكاسىنا قىزمەت بابىمەن جىبەرىلەتىن شەتەلدىك مەملەكەتتەردىڭ اسكەري قىزمەتشىلەرىنە; «A2″ جانە»ا4» ساناتتارىنداعى ۆيزالارعا ۇمىتكەر ادامداردىڭ قاراۋىنداعى ادامدارعا, ديپلوماتيالىق اگەنتتەرگە تەڭەستىرىلگەن مارتەبەسى جوق حالىقارالىق ۇيىمداردىڭ پاسپورتتارى بار ادامدارعا, سونداي-اق حالىقارالىق ۇيىمداردا جۇمىس ىستەيتىن ۇلتتىق پاسپورتتارى بار ادامدارعا جانە ولاردىڭ وتباسى مۇشەلەرىنە; قازاقستان رەسپۋبليكاسىنا قىزمەت بابىمەن جىبەرىلەتىن قىزمەتتىك پاسپورتتارى بار ادامدارعا; ەگەر ديپلوماتيالىق پاسپورتى بولماي, كۋرەرلىك پاراعى بولعان جاعدايدا ديپلوماتيالىق پوشتانى تاسىمالدايتىن ديپلوماتيالىق كۋرەرلەرگە; شەتەلدىك  ديپلوماتيالىق وكىلدەرىنىڭ, كونسۋلدىق مەكەمەلەردىڭ, قازاقستان رەسپۋبليكاسىندا اككرەديتتەلگەن حالىقارالىق ۇيىمدار مەن ولاردىڭ وكىلدىكتەرىنىڭ شاقىرۋىمەن قازاقستان رەسپۋبليكاسىنا ىسساپارمەن جىبەرىلەتىن ادامدارعا, قازاقستان رەسپۋبليكاسىندا تىركەلگەن حالىقارالىق ۇيىمدار مەن ولاردىڭ وكىلدىكتەرىنە, قازاقستان رەسپۋبليكاسىنىڭ مەملەكەتتىك ورگاندارىنا, عارىش كەڭىستىگىنە ۇشۋ ءۇشىن قازاقستان رەسپۋبليكاسىنا بارا جاتقان جانە عارىش كەڭىستىگىنەن جەرگە جانە ت. ب. قايتىپ كەلە جاتقان عارىشكەرلەر مەن استروناۆتارعا.

قىزمەتتىك ۆيزالار ءبىر, ەكى, ءۇش جانە كوپ مارتە كەلۋگە جانە شىعۋعا بەرىلەدى. ءبىر مارتەلىك ا3, ا4 ۆيزاسى  90 تاۋلىك مەرزىمىنە بەرىلەدى, بىر مارتەلىك ا4 ۆيزاسى — 1 جىلعا دەيىن, كوپمارتەلىك ا4 ساناتىندا — 1 جىل مەن 3 جىلعا دەيىن (عارىشكەرلەر مەن استروناۆتارعا), كوپمارتەلىك ا4 ساناتىنداعى ۆيزا — 180 تاۋلىككە دەيىن.

ينۆەستورلىق ۆيزا (ا5) قازاقستان رەسپۋبليكاسىنىڭ  اۋماعىندا ينۆەستورلىق قىزمەتتى جۇزەگە اسىراتىن زاڭدى تۇلعالاردىڭ باسشىلارىنا/باسشىلارىنىڭ ورىنباسارلارىنا نە ولاردىڭ قۇرىلىمدىق بولىمشەلەرىنىڭ باسشىلارىنا/ باسشىلارىنىڭ ورىنباسارلارىن, سونداي-اق ولاردىڭ وتباسى مۇشەلەرىنە بەرىلەدى

ءبىر مارتەلىك ۆيزا 90 تاۋلىككە دەيىنگى مەرزىمگە, كوپ مارتەلىك – 3 جىلعا دەيىنگى مەرزىمگە بەرىلەدى.

ىسكەرلىك ۆيزا (ۆ1, ۆ2, ۆ3) كونفەرەنتسياعا, سيمپوزيۋمگە, فورۋمدارعا,  كورمەلەرگە, كونتسەرتتەرگە, مادەني, عىلىمي, سپورتتىق جانە باسقا دا ءىس-شارالارعا قاتىسۋشىلارعا; ماجىلىستەردىڭ, دوڭگەلەك ۇستەلدەردىڭ, كورمەلەردىڭ, ساراپشىلار جينالىسىنىڭ قاتىسۋشىلارىنا; گۋمانيتارلىق كومەكپەن بىرگە جۇرۋشىلەرگە; لەكتسيالار وقۋ جانە جوعارى وقۋ ورىندارىندا ساباق بەرۋ ماقساتىمەن بارا جاتقان ادامدارعا; قازاقستان رەسپۋبليكاسىنىڭ ءبىلىم بەرۋ مەكەمەلەرىندەگى وقۋدى قوسپاعاندا, جاستار, ستۋدەنتتىك جانە مەكتەپشىلىك الماسۋ باعدارلاماسىنا قاتىسۋ ماقساتىمەن بارا جاتقان ادامدارعا, جابدىقتى مونتاجداۋ جانە تەحنيكالىق جوندەۋ قىزمەتىن كورسەتۋ ماقساتىمەن كەلگەن ادامدارعا; كەلىسسوزدەر جۇرگىزۋ, كەلىسىم-شارتتار جاساسۋ, كونسۋلتاتسيالىق جانە اۋديتورلىق قىزمەتتەر كورسەتۋ ماقساتىمەن كەلگەن ادامدارعا; يندۋستريالاندىرۋ جانە ينۆەستيتسيالار سالاسىنداعى ىنتىماقتاستىق شەڭبەرىندە كەلىسسوزدەر جۇرگىزۋ, كەلىسىمشارتتار جاساسۋ ءۇشىن كەلگەن تۇلعالارعا; قۇرىلتايشىلارعا نەمەسە ديرەكتورلار كەڭەسىنە  بەرىلەدى.

ۆ1, ۆ2, ۆ3 ساناتىنداعى ءبىر مارتەلىك ۆيزا  90 تاۋلىككە دەيىنگى مەرزىمگە بەرىلەدى, كوپ مارتەلىك  ۆ1 جانە ۆ3 ۆيزالارى — 1 جىلعا دەيىنگى مەرزىمگە, كوپ مارتەلىك  ۆ2 ۆيزاسى-  180 تاۋلىككە دەيىن.

حالىقارالىق اۆتوموبيلمەن جۇك تاسىمالداۋدى جۇزەگە اسىرۋعا ارنالعان ۆيزا (ۆ4) اۆتوموبيلمەن جۇك تاسىمالداۋدى جۇزەگە اسىراتىن ادامدارعا بەرىلەدى. ءبىر مارتەلىك ۆيزا 90 تاۋلىككە دەيىنگى مەرزىمگە, كوپ مارتەلىك ۆيزا 1 جىلعا دەيىنگى مەرزىمگە بەرىلەدى.

اۋە, تەڭىز, وزەن كەمەلەرى ەكيپاجدارىنىڭ جانە پويىز بريگادالارىنا مۇشەلەرىنە ارنالعان ۆيزا (ۆ5) حالىقارالىق ازاماتتىق اۆياتسيا ۇيىمىنىڭ  (يكاو) ءتيىستى كۋالىگىنە يە ەمەس, تۇراقتى جانە چارتەرلىك اۆيارەيستەردى ورىندايتىن ۇشاقتار ەكيپاجدارىنىڭ مۇشەلەرى, پويىز بريگادالارىنىڭ, سونداي-اق تەڭىز جانە وزەن كەمەلەرى ەكيپاجدارىنىڭ مۇشەلەرى  بولىپ تابىلاتىن ادامدارعا بەرىلەدى.

ءبىر مارتەلىك ۆيزا 90 تاۋلىككە دەيىنگى مەرزىمگە, كوپ مارتەلىك ۆيزا 1 جىلعا دەيىنگى مەرزىمگە بەرىلەدى.

ءدىني شارالارعا قاتىسۋعا ارنالعان ۆيزا  (ۆ6) قازاقستان رەسپۋبليكاسىنا ءدىني بىرلەستىكتىڭ ءىس-شارالارىنا قاتىسۋ ءۇشىن جىبەرىلگەن ادامدارعا بەرىلەدى (ميسسيونەرلىك قىزمەتتى قوسپاعاندا). وسى ۆيزا ءتۇرى ءبىر مارتەلىك كەلۋگە 90 تاۋلىككە دەيىنگى مەرزىمگە بەرىلەدى.

وقۋ پراكتيكاسىنان نەمەسە تاعىلىمدامادان وتۋگە ارنالعان ۆيزا (ۆ7) قازاقستان رەسپۋبليكاسىنا وقۋ پراكتيكاسىنان نەمەسە تاعىلىمدامادان وتۋگە جىبەرىلگەن ادامدارعا, ونىڭ ىشىندە «استانا حاب» باعدارلامالارى بويىنشا وقۋدان ءوتۋ ءۇشىن», سونداي-اق ولاردىڭ وتباسى مۇشەلەرىنە بەرىلەدى. بىر مارتەلىك ۆيزا 90 تاۋلىككە دەيىنگى مەرزىمگە, كوپ مارتەلىك 180 تاۋلىككە دەيىن بەرىلەدى.