Jańalyqtar

Qazaqstan Respýblıkasynyń vızasyn alý

Eger Qazaqstan Respýblıkasy bekitken halyqaralyq sharttarda ózgeshe tártip belgilenbese, shetel azamattarynyń Qazaqstan Respýblıkasyna kelýi jáne Qazaqstan Respýblıkasynan ketýi Qazaqstan Respýblıkasynyń vızasy bolǵan jaǵdaıda, jaramdy pasporty nemese ony almastyratyn qujattar boıynsha memlekettik shekaradaǵy halyqaralyq jáne eki jaqty qatynastar úshin ashyq ótkizý pýnktteri arqyly júzege asyrylady. QR vızasy jaramdy pasportqa nemese Qazaqstan Respýblıkasy tanıtyn jeke basyn kýálandyratyn basqa qujatqa japsyrylady, jáne Qazaqstan Respýblıkasynyń aýmaǵyna kelýge, jáne onda bolýǵa, sondaı-aq ketýge nemese tranzıtpen QR aýmaǵyn kesip ótýge quqyq beredi. Qazaqstan Respýblıkasynyń vızalaryn berý jáne olardyń qoldanys merzimin uzartý úshin qoldanylyp júrgen zańnamalarǵa sáıkes resimdelgen halyqaralyq uıymdardyń, shet memleketter ókildikteriniń, sondaı-aq Qazaqstan Respýblıkasy memlekettik mekemeleriniń Astanadaǵy QR SIM Konsýldyq qyzmet departamentine nemese Almatydaǵy KQD ókildigine tapsyrylǵan jazbasha ótinishteri negiz bolyp tabylady. Týrıster retinde nemese iskerlik maqsatpen shetel azamattaryn shaqyratyn memlekettik emes uıymdar oblystyq deńgeıdegi kóshi-qon polıııasynyń jergilikti bólimshelerimen (Astana men Almaty qalalarynyń turǵyndary úshin Astana jáne Almaty qalalarynyń Ishki ister bas basqarmasy – Ishki ister basqarmasynyń kóshi-qon polıııasy basqarmasymen) keliskennen keıin QR SIM Konsýldyq qyzmet departamentine jazbasha ótinishterdi beredi. Qazaqstan Respýblıkasyna jeke isterimen keletin shetel azamattary úshin kelýge arnalǵan ruqsatty Qazaqstan Respýblıkasynyń ishki ister organdary resimdeıdi. Elektrondy vızalar 1 shildeden bastap vedomstvo elektrondy vızalardy engizdi. Kazahstanǵa kelip jatqan sheteldikter konsýldyqtarǵa barmaı aq elektrondy vıza alý úshin ótinish bere alady. Elektrondy vızaǵa elektrondy portal arqyly ótinish berýge bolady. Barlyq saýalnamalyq derekterdi kórsetý qajet: kelý maqsaty, qarjylyq múmkindikter, bolý merzimi. Elektrondy vızany jibergennen keıin Kazaqstandyq bılik aqpartty derekter qorlary boıynsha tekseredi. Eger eshqandaı shekteýler bolmasa sizge vızany resimdeıdi. Sheteldikter úshin vıza Buryn shaqyrý merzimi 14 kún bolatyn, al 1 shildeden bastap sheteldikter úshin Qazaqstan Respýblıkasyna kirýge shaqyrýdy tapsyrý merzimi qysqartyldy. Shaqyrýdy vıza alýshy kelýiniń boljanǵan kúnine deıin keminde bes jumys kún buryn tapsyrý qajet. Shaqyrýda qazaqstandyq tarap sheteldiktiń Qazaqstandaǵy mekenjaıy men turǵylyqty jerin kórsetý kerek. Vızanyń qoldanylý merzimi sheteldik azamat pasportynyń qoldanylý merzimi aıaqtalǵanǵa deıin keminde alty aı buryn aıaqtalýy tıis. Basqa qujattardyń berý qajettiligin konsýl jergilikti jerde belgileıdi. Qazaqstan Respýblıkasynyń azamattary bolyp tabylatyn – jubaılarymen, balalarymen nemese ata-analarymen Qazaqstan Respýblıkasyna birge keletin shetel azamattary úshin bir aıǵa deıingi, biraq bir jyl ishinde eki retten artyq emes merzimge, vızalar joǵaryda atalǵan týystardyń ótinishteri (osy shekteý Qazaqstan Respýblıkasynyń azamaty bolyp tabylatyn ata-analarymen birge keletin kámeletke tolmaǵan shetel azamattaryna qoldanylmaıdy) negizinde resimdelýi múmkin. Qazaqstan Respýblıkasynan qonys aýdarǵan shetel azamattaryna týǵan jerlerine jáne týysqandarynyń zırattaryna bolyp qaıtý úshin olardyń jeke ótinishteri jáne Qazaqstan Respýblıkasymen baılanystyǵyn rastaıtyn qujattary (ulttyq pasporttaǵy baǵany nemese Qazaqstan Respýblıkasynda týǵandyǵy týraly kýáligi, Qazaqstan Respýblıkasynda jaqyn týysqanynyń jerlengendigi týraly qujattyń, Qazaqstan Respýblıkasynyń azamattyǵynan shyqqandyǵy týraly anyqtamanyń kóshirmesi) negizinde úsh aıǵa deıingi merzimge jeke vızalar berilýi múmkin. Tarıhı otanyna kelý tártibin odan ári yryqtandyrý maqsatynda qazaq dıasporasynyń sheteldik ókilderine QR SIM-men kelisimi boıynsha jyl ishinde eki ret úsh aıǵa deıingi merzimge olardyń jeke ótinishteri negizinde jeke vızalar berilýi múmkin.