قازاقستان شەتەلدىك بانكتەن تاعى قارىز الماق

فوتو: اشىق دەرەككوز

ءماجىلىس وتىرىسىندا دەپۋتاتتار «قازاقستان مەن حالىقارالىق قايتا قۇرۋ جانە دامۋ بانكى اراسىنداعى قارىز تۋرالى كەلىسىمدى» جۇمىسقا الدى, دەپ جازدى qandastar.kz

دەپۋتات تاتيانا ساۆەلەۆانىڭ مالىمدەۋىنشە, حالىقارالىق قايتا قۇرۋ جانە دامۋ بانكىنەن قازاقستان رەسپۋبليكاسىنا 11 جىل وتەۋ مەرزىمىمەن 84,9 ميلليارد يەن كولەمىندە نەسيە بەرىلگەن.

«زاڭ جوباسى ۇكىمەت قاۋلىسىمەن 2024 جىلعى 18 قاراشادا ەنگىزىلگەن. بۇل كەلىسىم استانادا 2024 جىلعى 11 قازاندا جاسالعان. حالىقارالىق قايتا قۇرۋ جانە دامۋ بانكىنەن قازاقستان رەسپۋبليكاسىنا وتەۋ مەرزىمى 11 جىلعا 84,9 ميلليارد يەن كولەمىندە نەسيە بەرىلمەك. قارىز قاراجاتى جوسپارلى كەزەڭگە ارنالعان رەسپۋبليكالىق بيۋدجەت تاپشىلىعىنىڭ بەكىتىلگەن مولشەرى شەڭبەرىندە ەل ەكونوميكاسىنىڭ ورنىقتىلىعىن قولداۋ ءۇشىن تارتىلادى. قارجى جانە بيۋدجەت كوميتەتى وسى زاڭ جوباسى بويىنشا قورىتىندى دايىنداۋعا دايىن. قولداۋلارىڭىزدى سۇرايمىز», – دەدى دەپۋتات ساۆەلەۆا.