قازاقستان سوتىندا سەكسولوگيالىق ساراپتاما پايدا بولادى

فوتو: gov.kz

قر ادىلەت مينيسترلىگىنىڭ رەسمي وكىلى تالعات ءۋالي قازاقستاننىڭ سوت پراكتيكاسىنا سەكسولوگيالىق ساراپتاما ەنگىزىلەتىنىن مالىمدەدى, دەپ حابارلايدى Azattyq Rýhy.

«حالىقارالىق تاجىريبە ناتيجەلەرى بويىنشا, سونداي-اق ادامنىڭ جەكە باسىنا, ونىڭ ىشىندە جىنىستىق سيپاتقا قارسى قىلمىستار سانىنىڭ ارتۋىنا بايلانىستى ادىلەت مينيسترلىگى «سوت-سەكسولوگيالىق ساراپتاما» رەتىندە ەنگىزۋ جۇمىستارىن باستادى. قاراپايىم تىلمەن ايتقاندا ساراپتاما تەكسەرىلۋشىنىڭ جىنىستىق, پسيحوسەكسۋالدىق دامۋدا قانداي دا ءبىر اۋىتقۋلاردىڭ بار نەمەسە جوقتىعى, اۋىتقۋلار بايقالسا, ولار نەنى بىلدىرەتىنىن, پەدوفيلدەردى انىقتاۋ, تەكسەرىلۋشىگە حيميالىق كاستراتسيا قاجەتتىگىن انىقتاۋ, وسى سياقتى ساۋالدارعا جاۋاپ بەرەدى», — دەدى تالعات ءۋالي بريفينگتە.

وسى جوبانى ىسكە اسىرۋ ماقساتىندا استانا قالاسىنىڭ سوت ساراپتامالارى عىلىمي-پراكتيكالىق ورتالىعىنىڭ 3 سوت ساراپشىسى بەلارۋس رەسپۋبليكاسىندا وقۋدان ءوتتى. قازىرگى ۋاقىتتا «سوت-سەكسولوگيالىق ساراپتاما» ءتۇرى بويىنشا ادىستەمە ازىرلەنۋدە.