«Qazaqstan sporty Parıjde kúıreıdi»: sheteldik basylymnyń boljamy oryndalmady

Foto: olympic.kz

Parıj Olımpıadasynyń aldynda «Sports Illustrated» jýrnaly Qazaqstan sportshylary sátsizdikke ushyraıdy degen boljamyn jazǵan bolatyn. Iaǵnı, tórtjyldyqtyń basty oıyndary qazaqstandyq komanda úshin «altynsyz» aıaqtalady degen edi.

Artynsha, «Inside the games» basylymy da osy oıdy jetildirip, Orta Azııa elderiniń sporty Parıj Olımpıadasy qarsańynda toqyraıdy degen maqala jazdy.

Jýrnalda jarııalanǵan maqalada Qazaqstan komandasy bas-aıaǵy alty medal alatynyn, onyń bireýi ǵana kúmis, qalǵan beseýi qola bolatynyn málimdegen edi. Al, insidethegames.biz saıtynda jarııalanǵan taldaý materıalynda Tokıodaǵy sátsizdik Parıjde qaıtalanady delingen.

Alaıda, ýaqyt kórsetkendeı, qos basylymnyń da boljamy kelmedi. Olımpıadanyń alǵashqy eki kúninde Qazaqstan komandasy 1 altyn jáne 2 qola medal enshilep úlgerdi. Atap aıtqanda, dzıýdoshy Eldos Smetov 60 kelide chempıon bolsa, onyń áriptesi Ǵusman Qyrǵyzbaev qola júldege qol jetkizgen. Sonymen qatar, pnevmatıkalyq vıntovkamen 10 metrden nysana kózdeýden Qazaqstan-1 komandasy da úshinshi orynǵa turaqtady.

Aldaǵy ýaqytta erkin kúres pen grek-rım kúresiniń balýandary, sonymen qatar boksshylar Qazaqstan qorjynyna taǵy birneshe júlde salady dep kútilýde. Onyń qanshaýy altyn, kúmis jáne qola bolatynyn ýaqyt kórsetedi.