Jańalyqtar
Qazaqstan sýarý kezeńinde Syrdarııa ózeni arqyly shamamen 3,7 mlrd tekshe metr sý alady
Foto: ashyq derekkóz
Qazaqstan bıyl sýarý kezeńinde Syrdarııa ózeni arqyly shamamen 3,7 mlrd tekshe metr sý alady, dep jazdy qandastar.kz
Sý resýrstary mınıstri Nurjan Nurjigitov О́zbekstan, Tájikstan jáne Túrikmenstan memleketterindegi áriptesterimen osy jóninde kelisimge keldi. Samarqandta Ortalyq Azııanyń Memleketaralyq sý sharýashylyǵyn úılestirý komıssııasynyń 89-shy otyrysy ótti. Al, «Dostyq» memleketaralyq kanalymen sýarý kezeńinde Qazaqstanǵa 909 mln tekshe metr sý keledi. Soltústik Aralǵa 975 mln tekshe metr sý jiberý josparlanyp otyr.
«Qazir biz tasqyn sýdy ózen-kólderge baǵyttap, ony sý qoımalaryna jınap jatyrmyz. Alaıda, ońtústik aımaqtarǵa keletin bolsaq, sý dıplomatııasy óte mańyzdy. Jazǵy sýarý kezeńine daıyndyq aıasynda biz byltyrdan kelissóz júrgizdik. Syrdarııa ózeni arqyly Qazaqstanǵa keletin sý Shardara qoımasynan jınalyp, ońtústik oblystardyń sharýalaryn qamtamasyz etý úshin paıdalanylady», — dedi mınıstr Nurjan Nurjigitov.
