جاڭالىقتارقارجى جانە تولەمدەر
قازاقستان تابىسىنان دا كوپ قارجى شىعىنداماق: ءماجىلىس الداعى ءۇش جىلعا ارنالعان بيۋدجەتتى ماقۇلدادى
فوتو: pixabay.com
30 قازاندا ءماجىلىس 2025-2027 جىلدارعا ارنالعان رەسپۋبليكالىق بيۋدجەتتى بەكىتىپ, ۇلتتىق قوردان كەپىلدەندىرىلگەن ترانسفەرت تۋرالى زاڭداردى قابىلدادى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.
جوباعا سايكەس كىرىس 2025 جىلى 15,6 تريلليون تەڭگە, 2026 جىلى 16,7 تريلليون تەڭگە, 2027 جىلى 18,2 تريلليون تەڭگە بولادى دەپ بولجانىپ جاتىر. شىعىندار سايكەسىنشە 25,8 تريلليون, 23,2 تريلليون جانە 24,6 تريلليون تەڭگە بولماق. بۇل رەتتە ۇلتتىق قوردان كەپىلدەندىرىلگەن ترانسفەرتتەردىڭ كولەمى جىلىنا 2 تريلليون تەڭگە بولدى.
“رەسپۋبليكالىق بيۋدجەت شىعىستارىنىڭ 68 پايىزدان استامى قازاقستان رەسپۋبليكاسىنىڭ 2029 جىلعا دەيىنگى ۇلتتىق دامۋ جوسپارىندا, ۇلتتىق جوبالاردا, تۇجىرىمدامالاردا, دامۋ جوسپارلارىندا جانە باسقا دا قۇجاتتاردا بەلگىلەنگەن ستراتەگيالىق ماقساتتارى مەن نىسانالى ينديكاتورلارىن ىسكە اسىرۋعا باعىتتالعان”, – دەلىنگەن حابارلامادا.
زاڭ جوبالارى جونىندەگى جۇمىس توپتارىنىڭ جەتەكشىسى ەركىن ءابىل ءوزىنىڭ قوسىمشا بايانداماسىندا بيۋدجەت جوباسىندا تۇتاستاي العاندا ەكونوميكانىڭ تۇراقتى ءوسۋى (ورتا ەسەپپەن جىلىنا 5,4%) بولجانىپ وتىرعانىن اتاپ ءوتتى. ونىڭ ىشىندە, وڭدەۋ ونەركاسىبى (5,8%), قۇرىلىس (9,3%), اقپارات جانە بايلانىس (9,5%) سياقتى ءوسۋ قارقىنى بار جەكەلەگەن سالالار بار.
بيۋدجەت جوباسى مەملەكەتتiڭ بارلىق الەۋمەتتiك مiندەتتەمەسىنiڭ ورىندالۋىن, سونىڭ iشiندە مەملەكەتتiك قىزمەتكەرلەردiڭ جالاقىسىن, زەينەتاقى مەن ستيپەنديانى كەزەڭ-كەزەڭiمەن ارتتىرۋدى قامتاماسىز ەتەدi.
دەگەنمەن ماجىلىستە ەكى فراكتسيا بيۋدجەت جوباسىن قولدامادى. جالپىۇلتتىق سوتسيال-دەموكراتيالىق پارتياسى اتىنان اسحات راقىمجانوۆ ەل مۇناي مەن مەتالل باعاسىنداعى وزگەرىسكە تاۋەلدى ەكەنىن ايتتى. سوزىنشە, عالىمدار 45 جىلدان كەيىن ەلدەگى مۇنايدىڭ تاۋسىلاتىنىن بولجاعان. سوندىقتان فراكتسيا ۇلتتىق قوردان قارجى الۋعا الاڭداۋشىلىق ءبىلدىردى.
ال “اق جول” پارتياسىنىڭ توراعاسى ازات پەرۋاشەۆ جوبانى قولدامايتىنىن ايتا كەلە, مۇنى بيۋدجەت ساياساتىندا وزگەرىستەردىڭ بولماۋىمەن بايلانىستىردى. سونداي-اق ۇلتتىق قوردان قارجى الۋعا الاڭدايتىنىن ايتتى.
ال وزگە فراكتسيالار ءبىراۋىزدان بيۋدجەت جوباسىن ماقۇلدادى.
