Qazaqstan tabysynan da kóp qarjy shyǵyndamaq: Májilis aldaǵy úsh jylǵa arnalǵan bıýdjetti maquldady

Foto: pixabay.com

30 qazanda májilis 2025-2027 jyldarǵa arnalǵan respýblıkalyq bıýdjetti bekitip, Ulttyq qordan kepildendirilgen transfert týraly zańdardy qabyldady. Bul týraly qandastar.kz Stan.kz aqparat agenttigine silteme jasap habarlaıdy.

Jobaǵa sáıkes kiris 2025 jyly 15,6 trıllıon teńge, 2026 jyly 16,7 trıllıon teńge, 2027 jyly 18,2 trıllıon teńge bolady dep boljanyp jatyr. Shyǵyndar sáıkesinshe 25,8 trıllıon, 23,2 trıllıon jáne 24,6 trıllıon teńge bolmaq. Bul rette Ulttyq qordan kepildendirilgen transfertterdiń kólemi jylyna 2 trıllıon teńge boldy.

“Respýblıkalyq bıýdjet shyǵystarynyń 68 paıyzdan astamy Qazaqstan Respýblıkasynyń 2029 jylǵa deıingi Ulttyq damý josparynda, ulttyq jobalarda, tujyrymdamalarda, damý josparlarynda jáne basqa da qujattarda belgilengen strategııalyq maqsattary men nysanaly ındıkatorlaryn iske asyrýǵa baǵyttalǵan”, – delingen habarlamada.

Zań jobalary jónindegi jumys toptarynyń jetekshisi Erkin Ábil óziniń qosymsha baıandamasynda bıýdjet jobasynda tutastaı alǵanda ekonomıkanyń turaqty ósýi (orta eseppen jylyna 5,4%) boljanyp otyrǵanyn atap ótti. Onyń ishinde, óńdeý ónerkásibi (5,8%), qurylys (9,3%), aqparat jáne baılanys (9,5%) sııaqty ósý qarqyny bar jekelegen salalar bar.

Bıýdjet jobasy memlekettiń barlyq áleýmettik mindettemesiniń oryndalýyn, sonyń ishinde memlekettik qyzmetkerlerdiń jalaqysyn, zeınetaqy men stıpendııany kezeń-kezeńimen arttyrýdy qamtamasyz etedi.

Degenmen májiliste eki frakııa bıýdjet jobasyn qoldamady. Jalpyulttyq soıal-demokratııalyq partııasy atynan Ashat Raqymjanov el munaı men metall baǵasyndaǵy ózgeriske táýeldi ekenin aıtty. Sózinshe, ǵalymdar 45 jyldan keıin eldegi munaıdyń taýsylatynyn boljaǵan. Sondyqtan frakııa Ulttyq qordan qarjy alýǵa alańdaýshylyq bildirdi.

Al “Aq Jol” partııasynyń tóraǵasy Azat Perýashev jobany qoldamaıtynyn aıta kele, muny bıýdjet saıasatynda ózgeristerdiń bolmaýymen baılanystyrdy. Sondaı-aq Ulttyq qordan qarjy alýǵa alańdaıtynyn aıtty.

Al ózge frakııalar biraýyzdan bıýdjet jobasyn maquldady.