جاڭالىقتار
قازاقستان تاعى ءبىر حالىقارالىق تەمىرجول قاتىناسىن ىسكە قوسادى
فوتو: اشىق دەرەككوز
قازاقستاننىڭ كولىك مينيسترلىگى مەن رەسەي فەدەراتسياسىنىڭ كولىك مينيسترلىگى «ريددەر-نوۆوسيبيرسك» حالىقارالىق تەمىرجول قاتىناسىن قالپىنا كەلتىرۋ تۋرالى كەلىسىمگە كەلدى, دەپ حابارلادى qandastar.kz.
پويىزدار بيىلعى جىلدىڭ 18 جەلتوقسانىنان باستاپ ءتورت كۇندە ءبىر رەت جۇرە باستايدى. بۇل تۋرالى وبلىس تۇرعىندارىمەن كەزدەسۋدە قر كولىك ءمينيسترى مارات قاراباەۆ ايتتى.
«رەسەي تەمىر جولدارى» اق قىزمەت كورسەتەتىن №407/408 «ريددەر-نوۆوسيبيرسك» حالىقارالىق پويىزى 250 جولاۋشىعا ارنالعان 6 ۆاگوننان (3 كۋپە, 3 پلاتسكارت) تۇرادى. وسىلايشا شىعىس قازاقستاندىقتاردىڭ ۇندەۋى ەلەۋسىز قالمادى.
جوعارىدا اتالعان پويىز اۋانى باپتاۋ جانە بەينەباقىلاۋ جۇيەلەرىمەن, بيواجەتحانا كەشەندەرىمەن, روزەتكالارمەن, ءموبيلدى قۇرىلعىلاردى/گادجەتتەردى قۋاتتاۋعا ارنالعان USB پورتتارىمەن جانە ءار ورىننىڭ جانىندا جەكە جارىقتاندىرۋمەن جابدىقتالعان.
