Qazaqstan taǵy bir halyqaralyq temirjol qatynasyn iske qosady

Foto: ashyq derekkóz

Qazaqstannyń Kólik mınıstrligi men Reseı Federaııasynyń Kólik mınıstrligi «Rıdder-Novosıbırsk» halyqaralyq temirjol qatynasyn qalpyna keltirý týraly kelisimge keldi, dep habarlady qandastar.kz.

Poıyzdar bıylǵy jyldyń 18 jeltoqsanynan bastap tórt kúnde bir ret júre bastaıdy. Bul týraly oblys turǵyndarymen kezdesýde QR Kólik mınıstri Marat Qarabaev aıtty.

«Reseı temir joldary» AQ qyzmet kórsetetin №407/408 «Rıdder-Novosıbırsk» halyqaralyq poıyzy 250 jolaýshyǵa arnalǵan 6 vagonnan (3 kýpe, 3 plakart) turady. Osylaısha Shyǵys qazaqstandyqtardyń úndeýi eleýsiz qalmady.

Joǵaryda atalǵan poıyz aýany baptaý jáne beınebaqylaý júıelerimen, bıoájethana keshenderimen, rozetkalarmen, mobıldi qurylǵylardy/gadjetterdi qýattaýǵa arnalǵan USB porttarymen jáne ár orynnyń janynda jeke jaryqtandyrýmen jabdyqtalǵan.