قازاقستان تاراپى «قارا جاشىكتى» برازيلياعا جونەلتتى

«اۆياتسيالىق وقيعانى تەرگەۋ كوميسسياسى برازيلياعا ۇشىپ كەتتى. بورتتىق وزدىگىنەن جازعىشتار برازيليانىڭ اۆياتسيالىق اپاتتاردى تەرگەۋ جانە الدىن الۋ ورتالىعىنا (CENIPA) جەتكىزىلەدى», دەلىنگەن كولىك مينيسترلىگى حابارلاماسىندا.

ايتا كەتسەك, بۇگىن تاڭەرتەڭ كولىك مينيسترلىگى اقتاۋ ماڭىنداعى اۆياتسيالىق وقيعانى تەرگەۋ جونىندەگى كوميسسيا بورتتاعى جازبانى (قارا جاشىكتەردى) برازيليانىڭ اۆياتسيالىق وقيعالاردى تەرگەۋ جانە الدىن الۋ ورتالىعىنا (CENIPA) جىبەرۋ تۋرالى شەشىم قابىلداعانىن مالىمدەگەن. Embraer ۇشاعى وسى برازيليادا شىعارىلادى. CENIPA ورتالىعىندا قاجەتتى تەحنيكالىق مۇمكىندىكتەر قاراستىرىلعان, ءتيىستى قۇرالدارمەن جابدىقتالعان جانە ولاردى وقۋ ءۇشىن سەرتيفيكاتتالعان زەرتحانا بار.