Álem jańalyqtary
Qazaqstan tarapy «qara jáshikti» Brazılııaǵa jóneltti
Foto: ashyq derekkóz
2024 jyly 30 jeltoqsanda Qazaqstan kólik mınıstrligi Aqtaýda apatqa ushyraǵan Azerbaijan Airlines-ke tıesili ushaqqa qatysty mańyzdy málimdeme jasady. Oǵan sáıkes, Qazaqstan borttaǵy jazbalary bar qurylǵy Brazılııaǵa jóneltilgen, dep jazdy qandastar.kz
«Avıaııalyq oqıǵany tergeý komıssııasy Brazılııaǵa ushyp ketti. Borttyq ózdiginen jazǵyshtar Brazılııanyń avıaııalyq apattardy tergeý jáne aldyn alý ortalyǵyna (CENIPA) jetkiziledi», delingen Kólik mınıstrligi habarlamasynda.
Aıta ketsek, búgin tańerteń Kólik mınıstrligi Aqtaý mańyndaǵy avıaııalyq oqıǵany tergeý jónindegi komıssııa borttaǵy jazbany (qara jáshikterdi) Brazılııanyń avıaııalyq oqıǵalardy tergeý jáne aldyn alý ortalyǵyna (CENIPA) jiberý týraly sheshim qabyldaǵanyn málimdegen. Embraer ushaǵy osy Brazılııada shyǵarylady. CENIPA ortalyǵynda qajetti tehnıkalyq múmkindikter qarastyrylǵan, tıisti quraldarmen jabdyqtalǵan jáne olardy oqý úshin sertıfıkattalǵan zerthana bar.
