Álem jańalyqtary
Qazaqstan Tájikstanǵa qarbyz satyp, ózi Qytaıdan alyp júr
Foto: ashyq derekkóz
Qazaqstan shetelge qarbyz satý kólemin ulǵaıtty, dep habarlaıdy Ulysmedia.kz.
Bıylǵy jyldyń qańtar-mamyr aılarynda qarbyz eksporty ótken jyldyń osyndaı kezeńimen salystyrǵanda 1,5 ese artyp, 278,7 myń tonnaǵa jetti.
Onyń barlyǵy derlik Reseıge jóneltildi – 239,8 tonna (+2,3 ese). Sondaı-aq qarbyzdar Tájikstanǵa da jiberilgen – 38,9 tonna.
Al byltyrǵy jylmen salystyrǵanda qaýyn shetelge 3,6 ese az satylǵan – 74,1 tonna.
Negizgi satyp alýshy taǵy da Reseı boldy, biraq kórsetkish tórt ese tómendegen (66,8 tonna). Qaýyn az mólsherde Tájikstanǵa da jetkizildi – 7,3 tonna.
Bul rette shetelden qaýyn ımporty, kerisinshe 28 ese, 2,1 myń tonnaǵa deıin ósti. Olardy Qytaıdan – 1,8 myń tonna (+410,7 ese), О́zbekstannan – 205,5 tonna (-2,8 ese), Irannan – 160,3 tonna (-9,9%), Brazılııadan – 1,1 tonna (+11 ese) jáne Nıderlandtan – 100 kg (-eki ese) satyp alǵan.
Qazaqstan qarbyzdy bes ese az satyp aldy – 2,7 myń tonna. О́tken jyly bes aı ishinde elge osy taýardyń 13 myń tonnadan astamy ákelingen.
Negizgi kólemi Irannan jetkizildi – 1,9 myń tonna (-30,3%). Sondaı-aq ımporttaýshylar О́zbekstan, Qytaı, Pákistan jáne Nıderland boldy.
