الەم جاڭالىقتارى
قازاقستان ۇكىمەتى اقش بيلىگى ەنگىزگەن باج سالىعىنا قاتىستى نە دەيدى?
فوتو: اشىق دەرەككوز
ساۋدا مينيسترلىگى ەلدەن امەريكاعا ەكسپورتتالاتىن تاۋارلاردىڭ ەلەۋلى بولىگىنە ترامپ ەنگىزگەن تاريفتەردىڭ اسەرى بولمايدى دەپ وتىر. وتكەن جىلى قازاقستاننىڭ اقش-قا ەكسپورت كولەمى 30,6%-عا ارتىپ, 2 ملرد دوللار بولعان. نەگىزىنەن شيكى مۇناي, ۋران, كۇمىس, فەرروقورىتپا جانە باسقا دا تاۋارلار تاسىمالدانادى, دەپ جازدى qandastar.kz
«بۇل ساناتتاعى ونىمدەر اقش پرەزيدەنتىنىڭ جارلىعى بويىنشا ەرەكشە تىزىمگە ەنگەن. بۇل 92% تەڭ», — دەلىنگەن ۆەدومستۆو حابارلاماسىندا.
قوسىمشا باجدار بەلگىلى ءبىر تاۋار توپتارىنا قاتىستى ەنگىزىلەدى. بۇل ساناتتاعى تاۋارلاردىڭ ەكسپورت كولەمى بىلتىر 95,2 ملن دوللار بولعان. ولاردىڭ ىشىندە فوسفور, فەرروسيليتسي, لينزالار, بيداي كلەيكوۆيناسى, امموني نيتراتى بار. دەمەك قابىلدانعان تاريفتىك شارالار قازاقستاننىڭ اقش-قا جالپى ەكسپورتىنىڭ تەك 4,8%-ىنا عانا اسەر ەتەدى.
«ۇكىمەت قازاقستانعا قاتىستى قوسىمشا باجداردى قولدانباۋ مۇمكىندىگىن تالقىلاۋ ءۇشىن اقش تاراپىمەن كونسۋلتاتسيالار جۇرگىزۋگە نيەتتى», — دەلىنگەن ساۋدا مينيسترلىگى حابارلاماسىندا.
