Qazaqstan Úkimeti ınvestorlar úshin qolaıly jaǵdaı týǵyzýda

Qazaqstan Premer-Mınıstri Oljas Bektenov barlyq ınvestorlarǵa úndeý joldady. Ol óz málimdemesin Úkimet otyrysynda aıtty.

«Búginde álemniń kóptegen elderi ınvestıııa tartýǵa barynsha mán berip otyr. Qazaqstannyń da maqsaty – sol! Biz otandyq jáne sheteldik bıznespen ózara tıimdi yntymaqtastyq ornatýǵa múddelimiz. Biz uzaq merzimdi ınvestıııalar úshin barynsha qolaıly jaǵdaı jasaýǵa udaıy umtylyp kelemiz.

Qazaqstan Úkimeti joǵary deńgeıde óńdelgen ónimder shyǵarýǵa, aqparattyq tehnologııalardy ozyq qarqynmen damytýǵa, elimizdiń serpindi damýyna yqpal etetin ınnovaııalyq kásiporyndar qurýǵa baǵyttalǵan árbir iri ınvestıııalyq jobaǵa qoldaý kórsetýge kepildik beredi dep sendirgim keledi.

Úkimet ınvestorlarǵa resýrstarǵa kedergisiz qol jetkizýge múmkindik jasaıdy, ınfraqurylymdyq jáne konsýltatıvtik qoldaý kórsetedi, ónimderin ótkizýge kómektesedi.

Sizder memlekettik jáne quqyq qorǵaý organdary tarapynan eshqandaı qysym kórmeısizder. Oǵan eshqandaı kúmán bolmasyn.

Kerisinshe, Úkimet sizderge senimdi ári ashyq áriptes bolady.

Bul máselelerdi sheshý úshin Investıııalyq shtab jumys isteıdi.

О́tken jyldyń sońynda Prezıdent Qasym-Jomart Toqaev atalǵan Shtabqa erekshe ókilettikter berdi.

Biz otandyq jáne sheteldik ınvestıııalar aǵynyn arttyrý úshin basqa da bastamalardy iske asyrýǵa nıettimiz.

Olardyń qatarynda ekonomıkanyń basym salalarynda ınvestorlar úshin túbegeıli yntalandyrý sharalary men jańa tásilderdi qoldaný, salyqtyq preferenııalar, bıýrokratııany jáne bızneske qajetsiz talaptardy alyp tastaý kózdelýde.

Kúsh-jigerimizdi jumyldyra otyryp, biz Qazaqstan ekonomıkasyn damytýda eleýli tabystarǵa qol jetkizemiz jáne ózara tıimdi yntymaqtastyqty qamtamasyz etemiz dep senemin», — dedi Oljas Bektenov.