«Qazaqstan úshin katastrofa bolmaq»: Qazaqstannyń bolashaǵy Trampqa baılanysty ma?

Foto: ashyq derekkóz

Qazaqstannyń bolashaǵy Trampqa baılanysty degen pikirdi sarapshylar aıtty, – dep habarlaıdy qandastar.kz  Alash.KZ-ke silteme jasap.

Munaı jáne gaz salasy týraly jazatyn sarapshylardyń sózinshe, Tramp eger prezıdent saılaýynda jeńiske jetse, munaıdy 40 dollardan satyp, Ýkraınadaǵy soǵysty tezirek toqtatýǵa ýáde bergen.

«Bul Qazaqstanǵa teris áser etedi. AQSh prezıdenttigine kandıdat Donald Tramp Nıý-Iorktegi ekonomıkalyq klýbta sóılep, Ýkraınadaǵy áskerı jaǵdaıdy tez retteıtinin aıtty. Tramp prezıdent bolǵannan keıin  12 aıdyń ishinde energııa baǵasyn eki ese tómendetýge ýáde etti. Al Pýtın munaı 40 dollardan bolsa soǵysa almaı qalady deıdi Tramp. Eger ol ýádesinde tursa bul Qazaqstan úshin katastrofa bolmaq», – delingen jazbada.

Aıta keteıik, 2025-2027 jyldarǵa arnalǵan eldiń áleýmettik-ekonomıkalyq damýynyń úkimettiń tamyz aıynyń sońynda bekitilgen boljamynda respýblıkalyq bıýdjet ortasha 75 dollardan barrel baǵasyna súıene otyryp qalyptasady, deıdi Dalanews.kz.

Munaı óndirýshi kompanııalar qazaqstandyq bıýdjettiń úshten bir bóligin alyp otyr.

Ázirge Arab sheıhteri Tramptyń bul málimdemesine qalaı jaýap beretini belgisiz.