QAZAQSTAN JENEVADA QARÝSYZDANÝ JО́NINDEGI KONFERENIIaǴA QATYSTY

Qazaqstan álemde beıbitshilikti nyǵaıtý boıynsha tyń usynystar jasady. Olardy Premer-mınıstrdiń orynbasary — Syrtqy ister mınıstri Murat Nurtileý Jenevada ótken Qarýsyzdaný jónindegi konferenııada jarııalady. Kezdesýde prezıdent Qasym-Jomart Toqaevtyń Bıoqaýipsizdik boıynsha halyqaralyq agenttik qurý bastamasy atap ótildi. Álemdegi qazirgi geosaıası jaǵdaı bıologııalyq qarýdyń tyıym salynǵanyna jáne eshqashan qoldanylmaıtynyna kepildik berýdi qajet etedi.

Sondaı-aq Qazaqstannyń ıadrolyq qarýsyz álem qurý jolynda túrli is-sharalardy belsendi ótkizip kele jatqany aıtyldy.

Elimiz qarýsyzdaný boıynsha 2 mańyzdy forýmǵa jetekshilik etedi jáne ıadrolyq qarýdan azat aýmaqtar týraly konferenııa ótkizedi. Murat Nurtileý, QR Premer-mınıstriniń orynbasary – Syrtqy ister mınıstri: «Birikken Ulttar Uıymynyń quramyna kiretin elderdiń úshten ekisi ıadrolyq qarýdan azat aýmaqtar qurýǵa atsalysyp jatyr. Aldaǵy tamyz aıynda biz qazirgi bar 5 aýmaq ókilderiniń ekinshi kezdesýin ótkizemiz.» Mınıstr sondaı-aq BUU-nyń Jenevadaǵy ókildiginiń bas dırektory Tatıana Valovaıamen jáne Halyqaralyq Eńbek uıymynyń bas dırektory Jılber Ýngbomen kezdesti.

Basqosýda Qazaqstannyń beıbitshilik boıynsha yntymaqtastyqty nyǵaıtýǵa ázir ekenin jetkizdi. Al Jılber Ýngbo elimizdiń eńbek qatynasy salasyndaǵy reformalarǵa qyzyǵýshylyq tanytyp, Qazaqstandaǵy is-sharalardy joǵary baǵalady. Budan bólek qazaq dıplomaty Palestına, Marokko, Estonııa, Nıderland jáne Chernogorııanyń Syrtqy ister mınıstrlerimen eki jaqty kelissózder júrgizdi.