قارجى جانە تولەمدەر
قازاقستاندا 1 ماۋسىمنان باستاپ بالالارعا ارنالعان بىرىڭعاي ۆاۋچەر جۇيەسى ەنگىزىلەدى
فوتو: Freepik.com
ەلىمىزدە 1 ماۋسىمنان باستاپ بالالارعا ارنالعان سپورت, ونەر جانە قوسىمشا ءبىلىم بەرۋ باعىتتارى بويىنشا بىرىڭعاي ۆاۋچەر جۇيەسىنىڭ پيلوتتىق جوباسى ىسكە قوسىلادى, دەپ جازدى qandastar.kz
بۇل تۋرالى Stan.kz اقپارات اگەنتتىگى حابارلايدى.
2025 جىلدىڭ 1 ماۋسىمىنان باستاپ بىرىڭعاي ۆاۋچەر جۇيەسىن ەنگىزۋ بويىنشا پيلوتتىق جوبا ىسكە قوسىلادى. باستاما استانا, شىمكەنت, قاراعاندى, قىزىلوردا, اتىراۋ جانە اقتوبە قالالارىندا جۇزەگە اسىرىلادى.
اتالعان جۇيە مەملەكەتتىك جانە جەكەمەنشىك سپورتتىق سەكتسيالارىن, شىعارماشىلىق ۇيىرمەلەر مەن قوسىمشا ءبىلىم بەرۋ كۋرستارىن بىرىڭعاي تسيفرلىق پلاتفورماعا بىرىكتىرەدى.
جۇيەنىڭ باستى قاعيداتى – ۆاۋچەر ءبىلىم بەرۋ ۇيىمىنا ەمەس, تىكەلەي بالاعا بەرىلەدى. بۇل بالانىڭ سپورت, شىعارماشىلىق جانە ءبىلىم بەرۋ باعىتتارى اراسىندا ەركىن اۋىسۋىنا مۇمكىندىك بەرەدى جانە بۇرىنعىداي قايتا كەزەككە تۇرۋ نەمەسە قارجىلاندىرۋدان ايىرىلىپ قالۋ جاعدايلارىنا جول بەرمەيدى.
پلاتفورمانى ازىرلەۋ بارىسىندا ءار ءوڭىردىڭ ەرەكشەلىگى مەن شىعارماشىلىق, سپورتتىق جانە ءبىلىم بەرۋ قىزمەتتەرىنىندەگى ايىرماشىلىقتار ەسكەرىلەتىن بولادى. بىرىڭعاي ۆاۋچەردىڭ ەكى ءتۇرى قاراستىرىلعان:
- نىسانالى ۆاۋچەر – مەملەكەتتىك مەكەمەلەرگە ارنالعان جانە كەزەككە تۇرۋدى قاجەت ەتپەيدى;
- امبەباپ ۆاۋچەر – بالانىڭ اتا-اناسى eGov.kz پورتالى ارقىلى جەكەمەنشىك نەمەسە مەملەكەتتىك ەمەس ۇيىمدى تاڭداي الادى
“مۇنداي ۆاۋچەر بويىنشا كەزەك بالانىڭ جاسى مەن وتباسىنىڭ الەۋمەتتىك مارتەبەسىنە سايكەس قالىپتاسادى جانە بۇل رەسۋرستاردى ادىلەتتى بولۋگە مۇمكىندىك بەرەدى. جاڭا ەرەجەلەرگە سايكەس, ۇيىرمەلەر مەن سەكتسيالاردا بالالاردىڭ ساپالى دامۋىن قامتاماسىز ەتۋ ءۇشىن قاۋىپسىز ينفراقۇرىلىم, سانيتارلىق جانە ورتكە قارسى نورمالاردىڭ ساقتالۋى, بەكىتىلگەن ءبىلىم بەرۋ باعدارلامالارى مەن بىلىكتى ماماندار بولۋى قاجەت. بيۋدجەتتىك قاراجات تەك ماقساتىنا ساي پايدالانىلۋى ءتيىس. قاتىسۋشىلاردىڭ كەلۋى كۇندەلىكتى تسيفرلىق فورماتتا تىركەلەدى. ال بىرىڭعاي پلاتفورما قاراجاتتىڭ جۇمسالۋىن اشىق كورسەتۋدى, پروتسەستەردى اۆتوماتتاندىرۋدى, سونداي-اق سىبايلاس جەمقورلىق پەن الاياقتىق سحەمالارىن ازايتۋدى قامتاماسىز ەتەدى”, – دەلىنگەن حابارلامادا.
جوبانى كەلەسى مەملەكەتتىك ورگاندار بىرلەسىپ جۇزەگە اسىرادى:
- مادەنيەت جانە اقپارات مينيسترلىگى – شىعارماشىلىق باعىت بويىنشا;
- تۋريزم جانە سپورت مينيسترلىگى – سپورتتىق سەكتسيالاردى ۇيلەستىرۋ;
- وقۋ-اعارتۋ مينيسترلىگى – قوسىمشا ءبىلىم بەرۋ بويىنشا;
- تسيفرلىق دامۋ مينيسترلىگى – تەحنيكالىق سۇيەمەلدەۋ جانە تسيفرلىق ينفراقۇرىلىمدى جۇزەگە اسىرادى. مەملەكەتتىك ورگاندار بيۋدجەتتىك قاراجاتتى ماقساتتى جانە ءتيىمدى پايدالانۋدىڭ تەتىكتەرىن ەنگىزۋ بويىنشا جۇيەلى ساياساتتى جالعاستىرىپ جاتىر. پيلوتتىق جوبا تەك بالالار مۇددەسىن, ولاردىڭ قاۋىپسىزدىگىن جانە كورسەتىلەتىن قىزمەتتەردىڭ ساپالى تۇردە قولجەتىمدى بولۋىن قامتاماسىز ەتۋگە باعىتتالعان.
