قازاقستاندا 1 ماۋسىمنان باستاپ جۇك كولىكتەردىڭ قوزعالىسىنا شەكتەۋ ەنگىزىلەدى

جاز مەزگىلىندە رەسپۋبليكالىق ماڭىزى بار اۆتوجولداردا اۋىر جۇك كولىكتەرىنىڭ قوزعالىسىنا ۋاقىتشا شەكتەۋلەر ەنگىزىلەدى, دەپ حابارلايدى Qandastar.kz اقپاراتتىق پورتالى «قازاۆتوجول» ۇلتتىق كومپانياسىنا سىلتەمە جاساپ.
بۇل شارالار كۇننىڭ ىستىعىندا جول جامىلعىسىن ساقتاۋعا جانە قاۋىپسىز قوزعالىستى قامتاماسىز ەتۋگە باعىتتالعان. شەكتەۋ مەرزىمى:

ەلىمىزدىڭ وڭتۇستىك جانە باتىس وڭىرلەرىندە 1 ماۋسىمنان 31 تامىزعا دەيىن;
سولتۇستىك جانە شىعىس وڭىرلەرىندە 1 ماۋسىمنان 15 تامىزعا دەيىن.

شەكتەۋلەر +25°C جوعارى اۋا تەمپەراتۋراسى كەزىندە, كۇندىزگى ۋاقىتتا ەنگىزىلەدى. 1 ماۋسىمنان 31 تامىزعا دەيىن ساعات 10:00–22:00 ارالىعىندا كەلەسى ايماقتاردا قوزعالىسقا شەكتەۋ قويىلادى:

الماتى وبلىسى;
اتىراۋ وبلىسى;
جامبىل وبلىسى;
جەتىسۋ وبلىسى;
ۇلىتاۋ وبلىسى;
قاراعاندى وبلىسى;
قىزىلوردا وبلىسى;
تۇركىستان وبلىسى;
ماڭعىستاۋ وبلىسى.