Jańalyqtar
Qazaqstanda 1000-nan astam narkokýrer shartty túrde merziminen buryn bosatylady
Qazaqstanda prezıdent «Esirtki quraldarynyń, psıhotroptyq zattardyń, sol tektesterdiń, prekýrsorlar men kúshti áser etetin zattardyń zańsyz aınalymyna qarsy kúres týraly» zańǵa qol qoıǵannan keıin 1 myńnan astam esirtki kýreri shartty túrde merziminen buryn bosatyla alady, dep jazdy qandastar.kz
2024 jylǵy 19 jeltoqsanda Senatta ótken brıfıngte Ishki ister mınıstriniń orynbasary Sanjar Ádilov málim etkendeı, qabyldanǵan túzetýler esirtki óndirýshilerdiń qylmystyq jaýapkershiligin kúsheıtip, lombardtardyń jaýapkershiligin jumsartady.
«Myńnan astam sottalǵandar shartty túrde merziminen buryn bosatý quqyǵyna ıe bolady. Bul jazany óteý orny arqyly nemese advokat arqyly aryz berý jolymen júzege asyrylady. Árbir isti sot jeke qaraıdy, osylaısha sottalýshy jeńildetilgen jazaǵa tıisti quqyq alady», — dedi Sanjar Ádilov.
zakon.kz habarlaǵandaı, Senat esirtki tasymaldaýshylaryna jazany jeńildetetin zańnamaǵa túzetýlerdi maquldady.
