Qazaqstanda 12 sýdıa qyzmetinen shettetiledi

2025 jylǵy 5 qańtarda jarııalanǵan relızge sáıkes, keńes 12 sýdıany qyzmetinen bosatýǵa usynys jasady, onyń ishinde:

• 3 – otstavkaǵa ketýine baılanysty;
• 5 – óz qalaýy boıynsha;
• 1 – sot úkiminiń zańdy kúshine enýine baılanysty;
• 3 – tártiptik teris qylyq jasaǵany úshin Sot jıýrıiniń sheshimi boıynsha

Sondaı-aq otyrys barysynda Joǵarǵy Sot Keńesi aýdandyq jáne oǵan teńestirilgen sottardyń sýdıalarynyń 207 bos laýazymyna ornalasýǵa jarııalanǵan konkýrstyń qorytyndysyn shyǵardy, oǵan 237 kandıdat ótinish berdi.

«Aýdandyq jáne oǵan teńestirilgen sottardyń sýdıasy laýazymdaryna usynymdar 126 adamnan tústi, onyń ishinde 98-i – alǵash ret usynylǵan zańgerler, 28-i – qazirgi sýdıalar. Sýdıa laýazymdaryna taǵaıyndaýǵa usynylǵan kandıdattar týraly aqparat keńes otyrysynyń onlaın-translıaııasynda jarııalandy».QR Joǵarǵy Sot Keńesiniń baspasóz qyzmeti

Usynystar alǵan tulǵalar týraly tolyq aqparat keńestiń resmı saıtynda ornalastyrylǵan. Aýdandyq jáne oǵan teńestirilgen sottardyń tóraǵasy, oblystyq jáne oǵan teńestirilgen sottardyń tóraǵalary, sot alqalarynyń tóraǵalary men sýdıalary, Qazaqstan Respýblıkasy Joǵarǵy Sotynyń sýdıalary men sot alqalarynyń tóraǵalary laýazymdaryna 91 sýdıa kadr rezervine engizildi.