قازاقستاندا 16 ملن تەڭگە ايلىق الاتىن ماماندار بار – Head Hunter ساراپشىلارى

فوتو: اشىق دەرەككوز

قازاقستاندا جالاقىسى ميلليون تەڭگەدەن باستالاتىن جۇمىس ورىندارى بار. Head Hunter ساراپشىلارى نارىق ۇسىنىستارىن تالداپ, سايتتا ورنالاستىرىلعان «ەڭ قىمبات» 5 سالانى اتادى, دەپ حابارلايدى qandastar.kz Azattyq Rýhy.-نا سىلتەمە جاساپ.

قۇرىلىس جانە جىلجىمايتىن م ۇلىك, پايدالانۋ, جوبالاۋ كومپانيالارى جاريالاعان ۆاكانسيالار بارلىق بوس ورىننىڭ 18,21% قۇرايدى. وسى سالادا جۇمىس بەرۋشىلەر ميلليون تەڭگەدەن جوعارى جالاقى تولەۋگە دايىن.

«قۇرىلىسشىلاردان كەيىن اقپاراتتىق تەحنولوگيالار, جۇيەلىك ينتەگراتسيا جانە ينتەرنەت سالاسىنداعى كومپانيالار (9,48%), بيزنەسكە قىزمەت كورسەتەتىن فيرمالار (8,17%) بايقالادى. بولشەك ساۋدا جانە تۇتىنۋ تاۋارلارىمەن اينالىساتىن كومپانيالار جوعارى اقى تولەنەتىن جۇمىس ورىندارىنىڭ جالپى كولەمىندە سايكەسىنشە 8,13% جانە 7,89% قۇرايدى», – دەلىنگەن Head Hunter حابارلاماسىندا.

سونداي-اق, ساتۋ سالاسىندا ميلليون تەڭگەدەن ايلىق ۇسىنىلادى. بوس جۇمىس ورىندارىنىڭ 27,27%-ى ساتۋ مەنەدجەرلەرى جانە كليەنتتەرمەن جۇمىس جونىندەگى مەنەدجەر ورنى.

Head Hunter ماماندارى 2024 جىلعى «ەڭ قىمبات» 5 جۇمىس ورنىن اتادى:

1. AMAZON شوت-مەنەدجەرى – استانادا 100 000-نان 10 000 000 تەڭگەگە دەيىن ايلىق;
2. مۇناي ونىمدەرىن ساتۋ جونىندەگى مامان – پاۆلوداردا 103 500-دەن 10 000 000 تەڭگەگە دەيىن;
3. FMCG ءىرى كومپانياسىنىڭ وپەراتسيالىق ماركەتينگ جونىندەگى ديرەكتورى – الماتىدا 15 000 دوللاردان 35 000 دوللارعا دەيىن (بۇگىنگى باعام بويىنشا 7,1 ملن تەڭگەدەن 16,7 ملن تەڭگەگە دەيىن);
4. ستوماتولوگ-دارىگەر – استانادا سالىق شەگەرىلگەنگە دەيىن 5 000 000 تەڭگەگە دەيىن;
5. كوممەرتسيالىق ديرەكتور – استانادا 15 000 دوللاردان باستاپ ايلىق الا الادى.