Qazaqstanda 16 mln teńge aılyq alatyn mamandar bar – Head Hunter sarapshylary

Foto: ashyq derekkóz

Qazaqstanda jalaqysy mıllıon teńgeden bastalatyn jumys oryndary bar. Head Hunter sarapshylary naryq usynystaryn taldap, saıtta ornalastyrylǵan «eń qymbat» 5 salany atady, dep habarlaıdy qandastar.kz Azattyq Rýhy.-na silteme jasap.

Qurylys jáne jyljymaıtyn múlik, paıdalaný, jobalaý kompanııalary jarııalaǵan vakansııalar barlyq bos orynnyń 18,21% quraıdy. Osy salada jumys berýshiler mıllıon teńgeden joǵary jalaqy tóleýge daıyn.

«Qurylysshylardan keıin aqparattyq tehnologııalar, júıelik ıntegraııa jáne ınternet salasyndaǵy kompanııalar (9,48%), bızneske qyzmet kórsetetin fırmalar (8,17%) baıqalady. Bólshek saýda jáne tutyný taýarlarymen aınalysatyn kompanııalar joǵary aqy tólenetin jumys oryndarynyń jalpy kóleminde sáıkesinshe 8,13% jáne 7,89% quraıdy», — delingen Head Hunter habarlamasynda.

Sondaı-aq, satý salasynda mıllıon teńgeden aılyq usynylady. Bos jumys oryndarynyń 27,27%-y satý menedjerleri jáne klıenttermen jumys jónindegi menedjer orny.

Head Hunter mamandary 2024 jylǵy «eń qymbat» 5 jumys ornyn atady:

1. AMAZON shot-menedjeri – Astanada 100 000-nan 10 000 000 teńgege deıin aılyq;
2. Munaı ónimderin satý jónindegi maman — Pavlodarda 103 500-den 10 000 000 teńgege deıin;
3. FMCG iri kompanııasynyń operaııalyq marketıng jónindegi dırektory — Almatyda 15 000 dollardan 35 000 dollarǵa deıin (búgingi baǵam boıynsha 7,1 mln teńgeden 16,7 mln teńgege deıin);
4. Stomatolog-dáriger — Astanada salyq shegerilgenge deıin 5 000 000 teńgege deıin;
5. Kommerııalyq dırektor — Astanada 15 000 dollardan bastap aılyq ala alady.